"Çoxdan və inadla hazırlaşırdıq"

Bu yarışlara çoxdan və inadla hazırlaşırdıq.

Bunu Versus.Az-a aerobika gimnastika üzrə beşinci Azərbaycan çempionatının və Bakı çempionatının iştirakçısı, "Ojag Sport" klubunun şagirdi Liana Nurbagandova şənbə günü bildirib:

"Əlbəttə, həyəcan var. Bütün gimnastlar qalib gəlmək istəyirlər. Birinci yerləri yaxşı nəticələr göstərənlərdir və bunun üçün çox məşq etməlisən" deyə Nurbagandova bildirib. Gənc gimnast Milli Gimnastika Arenasının salonunda çıxışının çox rahat olduğunu qeyd edib. Nurbagandova həmçinin bunları söyləyib: "Bakıdakı gimnastika arenası geniş və gözəldir, hər zaman yaxşı ab-havası var".

Qeyd edək ki, 10-13 oktyabr tarixlərində bədii gimnastika üzrə 26-cı Azərbaycan və Bakı Birinciliyi, 6-cı Bölgələrarası Kubok və aerobika gimnastikası üzrə 5-ci Azərbaycan Birinciliyi və Bakı Çempionatı keçirilir..

4 günlük yerli turnirə ilk olaraq bədii gimnastlar start verəcək. İştirakçılar yarışlar ərzində “gənclər”, “yeniyetmələr”, “uşaqlar” və “balacalar” yaş qruplarında medallar uğrunda mübarizə aparacaqlar.

Aerobika gimnastları isə “böyüklər”, “gənclər”, “yeniyetmələr”, “uşaqlar” və “balacalar” yaş kateqoriyasında yer alaraq, fərdi, qarışıq cütlük, üçlük, qrup və aerodans proqramında çıxış edəcəklər.

Gimnastikanın hər iki növü üzrə yarışlarda Bakı şəhəri və bölgələr üzrə ümumilikdə 300-dən çox idmançının iştirakı gözlənilir.

Bakı şəhəri üzrə Bakı Gimnastika Məktəbi, “Ocaq Sport”, “AyUlduz”, “Gymkids” Klublarının, “Zirvə International”, Zabrat İdman Klublarının, Respublika Kompleks İdman Məktəbinin, Şağan Olimpiya İdman Kompleksinin, eləcə də Sumqayıt, Gəncə, Mingəçevir, Ağdaş, İsmayıllı, Göyçay, Zaqatala, Kürdəmir, Qusar, Şirvan və Masallı təmsilçiləri birincilik uğrunda yarışacaq.

Versus.Az