ALDP sədri avropalı diplomatla görüşüb
Görüşdə Azərbaycanda ictimai-siyasi vəziyyətlə bağlı fikir mübadiləsi aparılıb
Azərbaycan Liberal Demokrat Partiyasının (ALDP) sədri Fuad Əliyev Avropa İttifaqının Azərbaycandakı səfiri Kestutis Yankauskasla görüşüb.
ALDP-nin Mətbuat Xidmətindən Versus.Az-a verilən məlumata görə, görüşdə Azərbaycanda ictimai-siyasi vəziyyətlə bağlı fikir mübadiləsi aparılıb.
Fuad Əliyev Azərbaycan Xalq Hərəkatına (AXH) qarşı olan təzyiqlər, AXH-nin Qurultaya Hazırlıq üzrə Təşkilat Komitəsinin üzvlərinin keçirilən piket zamanı həbsləri, ofisdan çıxarılması, həmçinin insan haqları, siyasi məhbuslar, müxalif fikirli vətəndaşlara təzyiqlərlə bağlı cənab Səfir Yankauskası məlumatlandırıb.
Görüşdə Dağlıq Qarabağ münaqişəsi, Türkiyənin Suriyada keçirdiyi hərbi əməliyyat, Azərbaycanın Avropa İttifaqı ilə münasibətləri, Dünya Ticarət Təşkilatına üzvlük məsələləri müzakirə olunub.
Tərəflər bu görüşlərin davamlı olması ilə bağlı razılığa gəliblər.
LƏMAN
Versus.Az
Xəbər lenti
Ombudsmandan BƏYANAT
"Soyqırımı hadisələrinə beynəlxalq miqyasda hələ də ədalətli mövqe bildirilməyib"