"İqtidarın kadr islahatlarında müxalifətin də potensialından istifadə edilməlidir"

12:02 23-10-2019 | icon 265 | Siyasət
"İqtidarın kadr islahatlarında müxalifətin də potensialından istifadə edilməlidir"

Ehtiram Mehtiyev: "Fikrimcə, iqtidar belə addımı ilə cəmiyyətə barış mesajı da vermiş olar"

 

"Hazırda ölkəmizdə yeni siyasi dövrün başlandığının şahidi oluruq. Müxtəlif dövrlərdə ictimai-siyasi prosesləri dəyişən kadr islahatları Azərbaycanda dövlətçiliyi və idarəetməni möhkəmləndirməyə xidmət etdiyini düşünsək də, bəzi zamanlarda bunun əksini gördük. Çünki vəzifəyə təyin olunan məmurların əksəriyyəti məsuliyyət hissini dərk etmədilər. Hətta vəzifələrindən sui-istifadə edərək dövlət maraqlarına xəyanət etdilər".

 

Bunu Versus.Az-a açıqlamasında AXCP-nin sədr müavini Ehtiram Mehtiyev bildirib.

 

Ümumiyyətlə kadr islahatlarının idarəetmənin təkmilləşdirilməsinə xidmət etməli olduğunu vurğulayan E.Mehtiyevun fikrincə, bunun üçün kadr seçərkən heyəti cavanlaşdırmaqla yanaşı, dövlət maraqları da əsas tutulmalıdır:

 

"Hesab edirəm ki, perspektiv ­inkişaf hədəflərini müəyyənləşdirmək üçün bu, əsas şərtlərdən biri sayılır. İqtidarın kadr islahatlarında əks düşərgənin, yəni müxalifətin də potensialından istifadə edilməlidir. Müxalifət partiyalarında ölkədəki mövcud vəziyyəti düzgün analiz edən kifayət qədər savadlı, intelektual və ən əsası da dövlət maraqlarını üstün tutan, vətənini xalqını sevən kadrlar çoxdur. Fikrimcə, iqtidar belə addımı ilə cəmiyyətə barış mesajı da vermiş olar.

Düzdür, etiraf edim ki, bəzi ənənəvi müxalifətçiləri toplasan bir rayonu idarə edə bilməzlər. Çünki onlar üçün dövlət maraqlarından üstün paxıllıq, vəzifə hərisliyi, mənəm-mənəmlik daha alidir. Onlar vaxtilə vəzifələrindən sui-istifadə edərək Azərbaycanda sabitliyi pozmağa cəhd etdilər. Ölkəni böyük təhlükə ilə üz-üzə qoydular. Əbülfəz Elçibəyin siyasi yolunu davam etdirən, xalqın səsini, etimadını qazanan Razi Nurullayevin sədrlik etdiyi AXCP-nin digər partiyalardan ən vacib fərqi ən geniş hazır proqram təminatına malik olmağıdır. Bizim partiyanın ali məqsədləri daha güclü cəmiyyətin qurulmasına xidmət edir. Bütün dövrlərdə partiyamız nəyi deyib, nəyi tənqid edirsə, nəyi fərqli görmək istəyirsə, mütləq şəkildə çıxış yolunu da göstərir. Hazırda partiyamızda bir neçə sahələrə uyğun kadrlarımız var. İnanıram ki, dövlətini sevən, onun maraqlarına xidmət edən bu kadrlarla ölkəmizin inkişafına, idarəetmənin təkmilləşdirilməsinə öz töhvəmizi verə bilərik".

 

SEVDA
Versus.Az

Xəbər lenti

InvestAZ

Ən çox oxunan xəbərlər

Hafiz Hacıyev Cəmil Həsənlini, Əli Kərimlini, Arif Hacılını və İsa Qəmbəri "ağ yudu, qara sərdi"

İraq türklərinin mənəvi lideri Riyaz Sarıkahyanın ailəsinə ağır itki üz verib

"Keçirilən aksiyalar da xalq naminə deyil, mühacir biznesinin inkişafına yönəlib"

“Bu xəstəlik vaxtı vanna qəbul etmək olmaz”

Qadının ən gizli orqanının sirri açıldı

“Xəstəlik asta-asta, bir neçə ay və hətta bir neçə il ərzində inkişaf edir”

“Bu məsələlər dövlət səviyyəsində araşdırılmalıdır” - MÜSAHİBƏ

MƏN ÇEYNƏNƏN BİR ÖLKƏNİN "HAQQ" BAĞIRAN SƏSİYƏM...

Yatanda ayaqların arasına yastıq qoyun

"2020-ci il seçkiləri oğurlanır"

Onu ömürlük həbs cəzası gözləyə bilər

"Əli Kərimliyə zahirdə düşmən olan bəzi iqtidar mənsubları və..."

Suraxanı rayonuna yeni icra başçısı təyin edilib

Dünənimizi qaralamadan bu günümüzü xilas edə bilsək…

Paşinyan yenə sərsəmlədi və...