“Fərdi bacarıqlarımızın artırılması üçün nə etməliyik?”

10:42 30-10-2019 | icon 20 | Təhsil
“Fərdi bacarıqlarımızın artırılması üçün nə etməliyik?”

Azərbaycan İlahiyyat İnstitutunda (Aİİ) “Fərdi bacarıqlarımızın artırılması üçün nə etməliyik?” mövzusunda təlim keçirilib.

 

Versus.Az xəbər verir ki, Aİİ rektoru Ceyhun Məmmədov tədbir iştirakçılarını salamladıqdan sonra, ölkəmizdə gənclərə daim diqqət və qayğı göstərildiyini nəzərə çatdırıb. O bildirib ki, ümummilli lider Heydər Əliyevin yürütdüyü dövlət gənclər siyasəti hazırda Azərbaycan Respublikasının Prezidenti cənab İlham Əliyev tərəfindən uğurla davam etdirilir.

 

Gənclərin gələcəkdə peşəkar kadr kimi yetişmələri üçün ölkə rəhbərliyinin gördüyü işlərdən bəhs edən C.Məmmədov “Könüllü fəaliyyət haqqında” qanunun, eləcə də “2015-2025-ci illərdə Azərbaycan Gənclərinin İnkişaf Strategiyası”nın gənc nəslin inkişafında, bacarıqlarının artırılmasında xüsusi rol oynadığını vurğulayıb.

 

İnstitut rəhbəri tələbələrə dərslərdə fəal olmağı, peşəkar mütəxəssis kimi yetişmələri üçün daim yeniliklər axtarışında olmağı tövsiyə edib. Rektor bildirib ki, Aİİ-də mütəmadi olaraq keçirilən seminar, “dəyirmi masa”, konfrans və görüşlərin əsas məqsədi gənclərin təhsil, elm, sosial, mədəni və peşə hazırlığı sahələrində fərdi inkişaflarına nail olmaqdır.

 

Peşəkar təlimçi Elvin Dadaşsoy “Fərdi bacarıqlarımızın artırılması üçün nə etməliyik?” mövzusunda çıxış edib. Məruzəçi bildirib ki, gənclər təhsil aldıqları dövrdə aktiv olmalı, təkcə nəzəri biliklərlə kifayətlənməməli, daim axtarışda olmalıdırlar: “Böyük xəyallar qurmaq, ona çatmaq üçün öz üzərində işləmək və heç vaxt yolundan dönməmək insanı təsəvvür belə etmədiyi məqamlara gətirib çıxara bilər”. – deyə Elvin Dadaşsoy vurğulayıb. O, tələbələrə sosial şəbəkələrdən həddindən artıq istifadə etməməyi, vaxtlarını hədər yerə sərf etməməyi, doğru karyera yolunu seçmək üçün bacarıqlarından maksimum yararlanmağı tövsiyə edib.

 

Seminar mövzu ətrafında tələbələrin suallarının cavablandırılması ilə yekunlaşıb.

 

Versus.Az

Xəbər lenti

InvestAZ

Ən çox oxunan xəbərlər

ALDP Bayraq Gününü belə qeyd etdi - VİDEO

AXCP sədr müavini: Dəyişən Rüstəm İbrahimbəyovun yerində Əli İnsanovun olmasıdır

“İstənilən səpgi ilə müşayiət olunan xəstəliklərdə həkimə müraciət etmək lazımdır”

"Azərbaycan Prezidentinə şikayət etməyimə mane olurlar"

"Bu, inteqrasiya deyildi, bu müxalifətin inteqrasiyasına zərbə idi"

İraq türklərinin mənəvi lideri Riyaz Sarıkahyanın ailəsinə ağır itki üz verib

"Proporsional seçki sistemi ləğv olunandan sonra, vətəndaşlarda partiyalara maraq azaldı"

Qarabağ xanı Mehdiqulu xanın bayrağı və ona həsr olunmuş kitabın təqdimatı

“Bu xəstəlik vaxtı vanna qəbul etmək olmaz”

BSU-da Dövlət Bayrağı Gününə həsr olunmuş tədbir keçirilib

"Əli İnsanovun onlarla birgə olması ilk öncə özünə təhqirdir"

Ciyər xərçənginin ilkin əlamətləri açıqlandı

Sevindik Nəsiboğlu görkəmli şərqşünasın 80 illiyinə şeir həsr etdi

Darçının tərkibində gizlənən ÖLÜM SİRLƏRİ

Şəhid ailələri, Qarabağ müharibəsi və 20 Yanvar əlillərinə daha 40 mənzil təqdim edildi - FOTO