"Azərbaycanın dövlətçilik tarixi təbliğ edilməlidir"
Azərbaycan Liberal Demokrat Partiyasının (ALDP) sədri Fuad Əliyev Sədr Aparatının iclasını keçirib.
Versus.az xəbər verir ki, iclasda ictimai-sitasi vəziyyət, Azərbaycan Xalq Cümhuriyyətinin 100 illik yubileyinin keçirilməsinə dair Tədbirlər Planının layihəsi müzakirə olunub. Fuad Əliyev bildirib ki, partiya olaraq əməkdaşlıq etdikləri beynəlxalq təşkilatlarda təqdimatlar və layihələr gerçəkləşməli, Azərbaycanın dövlətçilik tarixi təbliğ edilməlidir:
"Cümhuriyyətin yubileyi ilə bağlı bütün tarixi məqamlar geniş şəkildə xarici ictimaiyyətin nəzərinə çatdırılmalıdır”.
Müzakirələrdən sonra Tədbirlər Planını qəbul olundu.
Qərara alındı ki, aprelin 28-dən başlayaraq bir ay ərzində Azərbaycan Xalq Cümhuriyyətinin 100 illik yubiley tədbirləri keçirilsin.
Xəbər lenti
“Azərbaycan olaraq istənilən təhdidin qarşısında hazırlıqlıyıq”
“Moskvadakı terrorla Azərbaycanda planlaşdırılan terror bir-biri ilə əlaqəli deyil”