10-cu Bakı Beynəlxalq Qısa Filmlər Festivalının açılışı olub

00:54 07-11-2019 | icon 141 | Film
10-cu Bakı Beynəlxalq Qısa Filmlər Festivalının açılışı olub

Noyabrın 6-da Beynəlxalq Muğam Mərkəzində 10-cu Bakı Beynəlxalq Qısa Filmlər Festivalının təntənəli açılış mərasimi keçirilib.



Versus.Az xəbər verir ki, "Sinema" Gənc Kinematoqrafçılar Mərkəzinin təsis etdiyi festival  Mədəniyyət Nazirliyi,  Gənclər və İdman Nazirliyinin təşkilati dəstəyi ilə baş tutur.



Festivala həmçinin Azərbaycan Prodüserlər Gildiyası, Nizami Kino Mərkəzi də dəstək göstərir.

Bildirilib ki, 10-cu açılışını edən kinoforuma bu il 79 ölkədən 3484 qısametrajlı film təqdim edilib. “Cinemobil” də daxil olmaqla festivalın Yerli proqramına 84 ekran işi göndərilib. İlk dəfədir ki, bu qədər qısametrajlı filmi özündə cəlb edən festivalda seçim prosesi xüsusi diqqətdə saxlanılıb, komissiyanın üzvlərinin sayı artırılıb.



Qeyd olunub ki, 8 nəfərdən ibarət Seçim Komissiyasının qərarına əsasən bu il festivalın əsas müsabiqə bölmələrində 21 ölkədən 48 film yarışacaq. Beynəlxalq müsabiqədə 29, Yerli müsabiqədə 19 film “Qızıl nar” uğrunda mübarizə aparacaq.



Festivalın direktoru, rejissor Fehruz Şəmiyev çıxış edərək qonaqlara və iştirakçılara öz təşəkkürünü bildirib.

Cəfər Cabbarlı adına Azərbaycanfilm kinostudiyasının direktoru, kinorejissor Cəmil Quliyev isə festivalın artıq 10 ildir təşkil olunduğunu vurğulayıb:

"Festival artıq çox böyük tamaşaçı auditoriyası toplaya bilib. Bu gün Azərbaycan müxtəlif səpkili festivallar keçirilir. Lakin Bakı Beynəlxalq Qısa Filmlər Festivalının əhəmiyyəti çox böyükdür. Festival öz ətrafında gənc, yaradıcı insanları birləşdirir və gənclər bura gələrək fikir mübadiləsi apara bilirlər. Bu festivalın 10 il ərazində keçirilməsi hesab edirəm ki, beynəlxalq miqyasda uğurdur. Fürsətdən istifadə edərək festivalın iştirakçılarına uğurlar arzulayır və ən yaxşı filmlərin qalib olmasını diləyirəm".



Sonra münsiflər heyətinin üzvləri səhnəyə dəvət olunub. Bildirilib ki, beynəlxalq müsabiqənin qaliblərini kino və teatr rejissoru, ssenarist İlqar Safat, 65-ci Kann kinofestivalının “Qızıl palma” mükafatçısı, türkiyəli kinorejissor Rezan Yaşılbaş, 60-dan xarici festivallarda mükafatlara layiq görülən Kərim Əzimi, CineDOC-Tbilisi Beynəlxalq Sənədli Film Festivalının direktoru Artçil Xetaquri və əməkdar incəsənət xadimi Bəhram Bağırzadədən ibarət Beynəlxalq münsiflər heyəti seçəcək. Qaliblər “Ən yaxşı bədii film”, “Ən yaxşı sənədli film”, “Ən yaxşı animasiya filmi”, “Ən yaxşı bədii film rejissoru, “Ən yaxşı sənədli film rejissoru”, “Ən yaxşı animasiya film rejissoru” nominasiyaları üzrə mükafatlandırılacaqlar.



Daha sonra yerli müsabiqədə "Qızıl nar" mükafatı uğrunda mübarizə aparan filmləri müəyyənləşdirəcək münsiflər heyətinin üzvləri  – Xalq artisti Vidadi Həsənov, Əməkdar artist Gülzar Qurbanova, DokuBaku Film Festivalının direktoru, rejissor İmam Həsənov səhnəyə dəvət olunub.



Mərasimin sonunda müsabiqədə iştirak edən 3 film nümayiş olunub.

Qeyd edək ki, kinoforum çərçivəsində CineDOC-Tbilisi Beynəlxalq Sənədli Film Festivalının təqdimatında sənədli filmlər nümayiş olunacaq, ustad dərsləri, müzakirələr keçiriləcək.



Xatırladaq ki, festival bundan əvvəlki illərdə "Start" Beynəlxalq Qısa Filmlər Festivalı adı altında baş tutub. Beynəlxalq status daşıyan Festival 35 yaşına kimi olan rejissorların maksimum 35 dəqiqəlik qısametrajlı filmlərinin müsabiqəsini və nümayişini təşkil edir. Bu illər ərzində miqyasını xeyli genişləndirməyi bacaran kinoforum yerli müəllifləri stimullaşdırmaqla yanaşı, onları dünya praktikası, yeni tendensiyalarla tanış edir, yaradıcılıq müzakirələri üçün peşəkar ortam yaradır.



Filmlər 6,7,8,9 noyabr tarixlərində saat 11:00-dan 16:00-dək Nizami Kino Mərkəzində nümayiş olunacaq. Filmlərə giriş sərbəstdir.



Festivalın bağlanış-mükafatlandırma mərasimi noyabrın 9-u, saat 17:30-da Beynəlxalq Muğam Mərkəzində keçiriləcək. /APA/

 

Versus.Az

Xəbər lenti

Gəncədə şəhidimizin dəfn mərasimi keçirilir - FOTO - VİDEO - YENİLƏNİR

Seymur .Ələsgərov Gəncə şəhər Şəhidlər Xiyabanında dəfn olunacaq

“Dövlət başçısı İlham Əliyevin müdaxiləsi, iradə və qətiyyəti olmasaydı…

 Qalib namizədlər  fəaliyyət planlarını açıqladı

REAL-ın mitinqinə partiya sədrindən sərt reaksiya

Qəbul imtahanının ikinci mərhələsi üzrə sınaq imtahanları
 

“Milyon da təklif etsələr, toyda aparıcılıq etmərəm”

İlk peşə-ixtisas təhsili müəssisələrinin şagirdləri üçün buraxılış imtahanı keçirilir

Bakı milyonçusunun “Quran” oxuya bilməyən qızının taleyi necə dəyişdi? - FOTO

Mayk Tayson Uaylder – Fyuri görüşünün promoçarxını təqdim etdi - VİDEO

Azərbaycanı təmsil edən idmançı Avropanın ən yaxşısı seçildi - FOTO

Çində koronavirusa yoluxanların sayı 68,5 minə çatıb

Münhendə Ermənistan-Azərbaycan Dağlıq Qarabağ münaqişəsinə dair panel-müzakirələr keçirilib- VİDEO

5 ölkə İrandan təcili kompensasiya ödəməyi tələb edib

Bakı Sumqayıt şossesində yol qəzası baş verib

Gürcüstanda rusiyalı turistlər qar uçqunu altında qalıb

"Bəzi dairələr buraxılacaq"

İrəli
InvestAZ

Ən çox oxunan xəbərlər

Qarabağ qazisi vəfat edib

Məşhur transseksual “Avroviziya-2020”-də onlayn aparıcı olacaq - FOTO

Təyyarənin göyərtəsində dava - VİDEO

Ekstremal idman həvəskarı olan qadın maşının təkərləri altında qaldı – VİDEO

Qar əyləncəsi zamanı qorxunc qəza - VİDEO

Ana ölən qızı ilə dörd ildən sonra danışdı - VİDEO

TALEH ŞAHSUVARLI yazır:

Bəzilərini bir üzəcəm, bir üzəcəm ki, ancaq cəcəkləri qalacaq

Bu soyadı kim daşıyacaq? - FOTO

Əməkdar artistin 61 yaşı tamam olur

Azərbaycan klubu bu səbəbdən cəzalanıb

“Qəbələ” çilili hücumçu ilə müqavilə imzalayıb

Dostunun ad günündə tort yedi və... - FOTO

İmmunitetimizin mərkəzi kürəkdə yerləşir

İrəvanda Xocalı soyqırımı ilə bağlı sorğu - Türk bloqqer Ermənistanda+Video

30 saylı Suraxanı birinci Seçki Dairəsindən deputatlığa qeydə alınmış namizədləri BƏYANAT yaydı