"Bu, inteqrasiya deyildi, bu müxalifətin inteqrasiyasına zərbə idi"

13:55 07-11-2019 | icon 90 | Siyasət
"Bu, inteqrasiya deyildi, bu müxalifətin inteqrasiyasına zərbə idi"

Razi Nurullayev: "Əli Kərimli milli müxalifət pasportu paylayır və bəzi bərpa olunmaq istəyənlər də onun verdiyi pasporta malik olmaq istəyir"

 

"Elə ki, siyasi proseslər inkişaf edir, elə ki, xalqın istəkləri istər-istəməz önə keçir, elə ki, inteqrasiya üçün platforma yaranır, o zaman öz aralarında birincilik, öncüllük, "birinci mən dedim", "mən təklif etdim" yarışına girənlər, bütün uğurların və eyni düşünənlər arasında kövrək inkişafın üstünə dabanlarını basaraq onu rüşeymdəcə boğurlar".

 

Versus.Az xəbər verir ki, bu sözləri açıqlamasında AXCP sədri Razi Nurullayev deyib. Partiya sədri açıqlamasında "eks"lərin dəyirmi masasından bəhs edib:

 

"Heç iddia etmirəm ki, mən də orada olmalı idim. Zatən, orada oturanların istəməsələr belə Əli Kərimlini AXCP kimi qəbul etdiklərinə görə bu mümkün deyildi. Amma, görün nə qədər bacarıqlı, vətənini sevən, meydanlarda can qoyan, həbslərdə yatan siyasətçi kənarda qaldı. Bu, inteqrasiya deyildi, bu müxalifətin inteqrasiyasına zərbə idi".

 

Razi bəyin fikrincə, siyasi meydanda olan vətənpərvər, səmimi və xalqın yanında gerçəkdən olmaq istəyənlər bu formatı qəbul edə bilməz:

 

"Korrupsioner çevrilib şəffaf ola bilər, amma əməlləri unudula bilməz və hər kəs keçmişinə görə məsuliyyət daşıyır və daşımalıdır. Daxilən diktator təbiətlilər demokrat obrazı yarada bilər, amma fəaliyyətinin nəticəsi yenə nəticəsizliyə aparacaq. Keçmişi şərəfli, uzun illər fəaliyyəti nəticəsiz olanlar da bu qədər zamandan sonra çevrilib əmsallı siyasətçi ola bilməz. Dəyirmi masada oturanlardan Əli Kərimlinin dəvət olunması ən məntiqlisidir. O, milli müxalifət pasportu paylayır və bəzi bərpa olunmaq istəyənlər də onun verdiyi pasporta malik olmaq istəyir. Oldunuz daha. Allah xeyrinizi versin və yeni milli pasportunuz mübarək. Amma, o pasportların Azərbaycan Respublikasına da, xalqa da aidiyyatı yoxdur. Xalq baxır və həqiqətləri görür. Onun gözü o qədər mizan tərəzidir ki, qramı belə çəkir".

 

Versus.Az

Xəbər lenti

InvestAZ

Ən çox oxunan xəbərlər

ALDP Bayraq Gününü belə qeyd etdi - VİDEO

AXCP sədr müavini: Dəyişən Rüstəm İbrahimbəyovun yerində Əli İnsanovun olmasıdır

“İstənilən səpgi ilə müşayiət olunan xəstəliklərdə həkimə müraciət etmək lazımdır”

"Azərbaycan Prezidentinə şikayət etməyimə mane olurlar"

"Bu, inteqrasiya deyildi, bu müxalifətin inteqrasiyasına zərbə idi"

ALIYEV CABBAR: "713-lə Laçına doğru"

Eldar Əzizovdan icra başçılarına ciddi - XƏBƏRDARLIQ

"Proporsional seçki sistemi ləğv olunandan sonra, vətəndaşlarda partiyalara maraq azaldı"

İraq türklərinin mənəvi lideri Riyaz Sarıkahyanın ailəsinə ağır itki üz verib

Əzəmətin gücünü qəlblərə damla-damla axıdan dahi

Qarabağ xanı Mehdiqulu xanın bayrağı və ona həsr olunmuş kitabın təqdimatı

“Bu xəstəlik vaxtı vanna qəbul etmək olmaz”

Araz Əlizadə yenə özünü ifşa etdi

Ciyər xərçənginin ilkin əlamətləri açıqlandı

"Əli İnsanovun onlarla birgə olması ilk öncə özünə təhqirdir"