Azərbaycanda ilk şpris istehsalçısı olan “Diamed Co” zavodunun məhsulu Beynəlxalq “Medinex” sərgisində

22:08 07-11-2019 | icon 58 | Cəmiyyət
Azərbaycanda ilk şpris istehsalçısı olan “Diamed Co” zavodunun məhsulu Beynəlxalq “Medinex” sərgisində

Azərbaycanda ilk şpris istehsalçısı olan “Diamed Co” zavodunun məhsulu Azərbaycan Beynəlxalq Tibb İnnovasiyaları “Medinex” sərgisində yer alıb.

 

Versus.az- a verilən məlumata görə, dünən “JW Marriott Absheron Baku” mehmanxanasında səhiyyə məhsulları istehsal edən onlarla şirkəti bir araya gətirən “Medinex” Azərbaycan Beynəlxalq Tibb İnnovasiyaları sərgisi açılıb.

 

Milli Məclisin Səhiyyə Komitəsinin sədr müavini, deputat Musa Quliyev sərginin açılış mərasimində çıxışı zamanı “Diamed Co” zavodunun şpris istehsalını yüksək qiymətləndirib və tenderlərdə yerli istehsal olan şprislərə üstünlük verilməsinin məqsədəuyğun olduğunu deyib.

 

Millət vəkili Elman Nəsirov isə çıxışında diqqətə çatdırıb ki, qeyri-neft sektorunun inkişafı baxımından Azərbaycanda şpris istehsalının həyata keçirilməsi təqdirəlayiqdir.

 

“Diamed” şpris istehsalı zavodunun təsisçisi Aytən Quliyeva nın sözlərinə görə, zavodda Almaniya, İsveçrə, İtaliya, Türkiyə, İngiltərə və Yaponiya avadanlıqlarından istifadə olunur.

 

Müəssisədə istehsal edilən məhsulların yerli bazarın tələbatını ödəməklə yanaşı, Rusiya, Gürcüstan, İran və Orta Asiya ölkələrinə ixrac edilməsi də nəzərdə tutulur. Bu isə “Made in Azerbaijan” brendi ilə ixrac olunan məhsulların çeşidini və sayını artırmağa imkan verəcək.

 

Onu da qeyd edək ki, Azərbaycan Beynəlxalq Tibb İnnovasiyaları “Medinex” sərgisi dünyanın 12 ölkəsini, o cümlədən Almaniya, İran, İtaliya, Qazaxıstan, Pakistan, Rusiya, Yaponiya və digər ölkələri təmsil edən 70 şirkəti bir araya gətirib.

 

Azərbaycan sərgidə “Made in Azerbaijan” brendi altında çıxış edən distribütor və istehsalçılar tərəfindən təmsil olunub.

 

Versus.Az

Xəbər lenti

InvestAZ

Ən çox oxunan xəbərlər

Hafiz Hacıyev Cəmil Həsənlini, Əli Kərimlini, Arif Hacılını və İsa Qəmbəri "ağ yudu, qara sərdi"

"Əli Kərimliyə zahirdə düşmən olan bəzi iqtidar mənsubları və..."

Paşinyan yenə sərsəmlədi və...

Xalqın Azadlıq uğrunda mübarizəsini, inamını sındıra bilmədi - VİDEO

"Müsavatın rəhbərləri ictimai qınaqdan qaçır"

AXCP prezidentə müraciət etdi

Dünənimizi qaralamadan bu günümüzü xilas edə bilsək…

Arif Hacılı jurnalistlərdən qorxdu?

Parlament binası qarşısında aksiya başlayıb

Bakıda yeni metro stansiyaları bu ərazilərdə olacaq

“İki çay arasında cənnət” adlı kitab çap olunub

Müsavatın "mühacir oyunu" ifşa edildi

İcra hakimiyyəti başçısının 1-ci müavini vəzifədən getdi

Xədicə İsmayılova "Müsavat" rəhbərliyini istefa verməyə çağırıb

Sifilis necə yaranır?