Riqada Azərbaycanın mətbuat sahəsində nailiyyətlərinin təqdimatı keçirilib

15:06 15-11-2019 | icon 630 | KİV
Riqada Azərbaycanın mətbuat sahəsində nailiyyətlərinin təqdimatı keçirilib

Noyabrın 13-14-də Riqada Avropa Komissiyasının xətti ilə “Şərq tərəfdaşlığı media konfransı 2019: biznes və dayanıqlı inkişaf” konfransı keçirilib.

 

Versus.Az-ın məlumatına görə, tədbirdə iştirak etmiş “Baku Network” Ekspert şurasının prezidenti Elxan Ələsgərov bildirib ki, TREND Beynəlxalq İnformasiya Agentliyinin Baş direktorunun müavini Lina Vaytkyaviçene məruzə ilə çıxış edib. O, öz çıxışında TREND Beynəlxalq İnformasiya Agentliyinin inkişafının timsalında müxtəlif ölkələrdən olan jurnalistlərə Azərbaycanda KİV sahəsində vəziyyəti təqdim edib, ölkənin media məkanındakı azad, demokratik mühitin TREND-in uğurlarına təsiri, dövlət tərəfindən mətbuatın inkişafına göstərilən böyük dəstək barədə danışıb.

 

E.Ələsgərov qeyd edib ki, bir müddət əvvəl Brüsseldə bu konfransa hazırlıq çərçivəsində təşkilat qrupunun görüşü keçirilmişdi. Bu görüşə Avropa Komissiyası tərəfindən Lina Vaytkyaviçene də qatılmışdı:

"Görüşdə qarşıdakı media forumunun proqramı müzakirə olunmuşdu. Məlum oldu ki, panellərin birində avtoritar dövlətlərdə mətbuatın vəziyyəti barədə müzakirələrin aparılması planlaşdırılıb. Bəzi qüvvələr bu müzakirələrə Azərbaycanı da daxil etmək istəyib. Amma Vaytkyaviçenenin Azərbaycana bu yanaşmanın yanlışlığı barədə çıxışından sonra ölkəmizi bu panelə daxil etməmək qərara alındı. Lina Vaytkyaviçene öz təqdimatında konfrans iştirakçılarının diqqətini TREND Beynəlxalq İnformasiya Agentliyinin nail olduğu uğurlara yönəldib. Təqdimat zamanı Azərbaycanın mətbuat sahəsində azadlıq, demokratiya və digər nailiyyətlər, peşəkar jurnalistikanın çiçəklənməsi və bu peşənin nüfuzunun artması üçün şəraitin yaradılmasında dövlətin rolu əyani nümayiş etdirilib. Vaytkyaviçenenin təqdimatı konfrans iştirakçıları tərəfindən müsbət qarşılanıb. Onlar qeyd ediblər ki, Azərbaycan son illərdə bir çox sahələrdə, o cümlədən kütləvi informasiya vasitələrinin inkişafı məsələlərində mühüm irəliləyişə nail olub. Bunun bariz nümunəsi TREND Beynəlxalq Agentliyinin dünya informasiya agentlikləri ilə əməkdaşlıq etməsidir. “Bloomberg” İnformasiya Agentliyinin Xəzər regionundan məlumatın əsas tədarükçüsü kimi həm TREND-in materiallarından fəal istifadə etməsi tədbir iştirakçılarının razılığına və hətta təəccübünə səbəb oldu. Bütün bunlar onu göstərir ki, Azərbaycan yerində dayanmır və bütün parametrlər üzrə irəliləyir. Azərbaycanın indiki göstəricələri bir çox məsələlərdə Avropaya bərabərdir, bəzi göstəricilərdə isə onları da keçirik. Hesab edirəm ki, konfransın yekunları bizə düşünmək üçün əsas verdi və gələcək işlərimizdə biz bunları nəzərə alacağıq. Vacib olan odur ki, bizim ciddi platformamız və maraqlarımızın təkcə region miqyasında deyil, həm də dünya arenasında təbliğ olunması üçün imkanlarımız var”.

 

Versus.Az

Xəbər lenti

InvestAZ

Ən çox oxunan xəbərlər

Regionda yeni cəbhə AÇILIR?

"YENİ XƏTT"dən mitinq çağırışlarına qarşı BƏYANAT

Tibb elminə həsr olunmuş ömür...

Vətəndaşları işə düzəltmə adı ilə necə aldadırlar?

Ölümün qorxduğu cərrah - Mübariz Əliyev - 65

Böyük alim, sədaqətli ömür gün yoldaşı, qayğıkeş ana...

Xalq artistlərinin möhtəşəm gecəsi

Ermənistanın buqələmun siyasəti

DREAM Fest 2024-ə 100 gün qaldı

Radikalların QRANT SAVAŞI BAŞLAYIR

“İran-İsrail arasındakı müharibə hər an şiddətlənə bilər”

Nura Surinin “Dünyaya qəribəm” klipi

“Həmkarlar”ın üzvü deyilsənsə, heç kim hüquqlarını müdafiə etməyəcək”

İncəsənətimizin RAMİZİ…

Məişət zorakılığından zərər çəkmiş şəxslərlə bağlı