Buxarestdə AVRO-2020 püşkü atılacaq

02:36 30-11-2019 | icon 409 | İdman
Buxarestdə AVRO-2020 püşkü atılacaq

Bu gün AVRO-2020-nin final mərhələsinin püşkatması olacaq.

 

Versus.Az Apasport.az-a istinadən xəbər verir ki, bu səbəbdən də bütün Avropanın diqqəti Rumıniyanın paytaxtı Buxarestə yönələcək.

 

Tədbirdə final mərhələsinin 24 iştirakçısı hər birində 4 komanda olmaqla, 6 qrupa bölünəcək. Bu komandalardan 20-nin adı dəqiqləşib. Həmin komandalar seçmə mərhələdəki nəticələrinə əsasən səbətlərə paylanılıb. Ən zəif 2 yığmanın yer aldığı sonuncu səbətə pley-offun qalibləri də qoşulacaq.

 

1-ci səbət
Belçika, İtaliya, İngiltərə, Almaniya, İspaniya, Ukrayna
2-ci səbət
Fransa, Polşa, İsveçrə, Xorvatiya, Niderland, Rusiya
3-cü səbət
Portuqaliya, Türkiyə, Danimarka, Avstriya, İsveç, Çexiya
4-cü səbət
Uels, Finlandiya, pley-offdan gələcək 4 komanda

 

Seçmə mərhələdə vəsiqə qazanmayanlar arasında Millətlər Liqasında daha yüksək nəticə göstərən komandalar 4 yol üzrə güclüləri müəyyənləşdirəcək. 2020-ci il martın 26-da və 31-də baş tutacaq görüşlərin iştirakçısı olacaq 16 komanda püşkatmaya potensial iştirakçı gözü ilə baxacaq.

 

D yolu: Gürcüstan/Belarus-Şimali Makedoniya/Kosovo
C yolu: Norveç/Serbiya-Şotlandiya/İsrail
B yolu: Bosniya və Herseqovina/Şimali İrlandiya-Slovakiya/İrlandiya
A yolu: Bolqarıstan/Macarıstan-İslandiya/Rumıniya

 

Gələn il iyunun 12-dən iyulun 12-dək keçiriləcək final mərhələsinin qarşılaşmaları 12 şəhərdə baş tutacaq. Bu da Avropa çempionatının 60 illiyi ilə bağlıdır. Hər qrupun görüşləri iki ölkədə oynanılacaq.

 

A qrupu: İtaliya, Azərbaycan
B qrupu: Rusiya, Danimarka
C qrupu: Niderland, Rumıniya
D qrupu: İngiltərə, Şotlandiya
E qrupu: İspaniya, İrlandiya
F qrupu: Almaniya, Macarıstan

 

ROMEXPO sərgi mərkəzində təşkil olunacaq tədbir bəzi yığmalar üçün yalnız rəqiblərin müəyyənləşməsi baxımından kəsb edir. Çünki təşkilatçı ölkələrin yığmaları öz oyunlarını doğma şəhərdə keçirmək hüququna malikdir. Bu üzdən də 7 yığmanın qrupu artıq dəqiqləşib. 


Həmin komandalar öz səbətlərindən olan milli ilə eyni qrupa düşməyəcək. Buna görə də daha iki yığmanın qrupu öncədən bəllidir. Birinci səbətdə yer alan 6 komandadan dördü meydan sahibidir. Onlarla düşməsi mümkün olmayan Ukrayna və Belçika B ilə C qruplarında yer alacaq. Ukraynalıların Rusiya ilə düşməsinin mümkünsüzlüyü isə onlardan hansının hansı qrupda olmasında rol oynayıb.

 

A qrupu: İtaliya
B qrupu: Belçika, Rusiya, Danimarka
C qrupu: Ukrayna, Niderland
D qrupu: İngiltərə
E qrupu: İspaniya
F qrupu: Almaniya

 

Qeyd edək ki, püşkatma Bakı vaxtı ilə saat 21:00-da başlayacaq.

Xəbər lenti

InvestAZ

Ən çox oxunan xəbərlər

Əfəndilər, Yardımlı da Azərbaycandır

Röyanın Moskva konserti təxirə salındı - SƏBƏB?

Moskvadakı dəhşətli terrorda ölənlərin sayı 150-yə çatıb

Rusiyada teraktda yaralananların durumu açıqlanıb

Ayılar üçün maraqlı əyləncə

Artritə səbəb olan 5 mühüm SƏHV

İdmançımız Almaniyada keçirilən turnirdə ikinci qızıl medalını qazanıb

Tarixçidən maraqlı faktlar

Gündə 1 dəqiqə cəfəri çeynəyin

Şəfalı olduğu düşünülən bu bitkilər böyrəkləri çürüdür

Ən sürətli qol

Gimnastlarımız Dünya Kubokunda finala yüksəliblər

İtlər hətta simvolları da anlayırlar

Dəri problemlərindən mərciməklə xilas olun

Bu iki ədviyyatı birgə istifadə edin