Hədəfimiz xalqın itirilmiş inamını qaytarmaqdır
Ehtiram Mehtiyev: "Xalqa yaxın olmaq və "yeni başlanğıc" üçün mən də seçkiyə qatılacam"
"Müxalifətin parlament seçkilərində iştirakı vacibdir. Hesab edirəm ki, ölkədə ictimai-siyasi durğunluğu dəyişmək, cəmiyyətə müsbət mesajlar vermək üçün seçkilərdə iştirak artıq xalqın və zamanın tələbidir".
Versus.az xəbər verir ki, bunu açıqlamasında AXCP-nin sədr müavini Ehtiram Mehtiyev bildirib. Sədr müavini qeyd edib ki, AXCP olaraq belə qərara alınıb ki, seçkilərdə iştirak edərək ölkədəki yeniləşməyə dəstək versinlər: "Ümumiyyətlə, müxalifət partiyası olaraq ölkənin problemlərinə hec vaxt biganə qalmamışıq. Zaman-zaman ölkənin tərəqqisi üçün bütün sahələrə dair təkliflərimizi hökumətə təqdim etmişik. Hədəfimiz xalqın itirilmiş inamını qaytarmaq və onların siyasətə marağını bərpa etməkdir. Çünki, xalq yalan vədlərdən yorulub və siyasətçilərə də öz maraqları üçün çalışan adamlar kimi baxırlar. Buna nail olmaq üçün insanlarla ayrı-ayrılıqda söhbətlər aparırıq. Əminik ki, xalq bizi yeni də səmimi siyasi qüvvə kimi qəbul edəcək". E.Mehtiyev vurğuladı ki, radikal müxalifət əvvəlki illərdə olduğu kimi xalqın inamını qıran seçkiləri boykot taktikasından çəkinməlidir: "Biz partiya olaraq bu kimi çağırışlardan uzaq olacağımızı bəyan edirik".
SEVDA
Versus.az
Xəbər lenti
Rusiya Moskva yaxınlığındakı terrorda "Ukrayna izi" TAPDI
İstintaq terror aktının icraçılarının Ukraynadan...