"Bu, demokratik inqilab deyil"

16:30 23-04-2018 | icon 107 | Geopolitika
"Bu, demokratik inqilab deyil"

“Bu gün Ermənistanda hərbçilərin, tələbələrin və din xadimlərinin etiraz hərəkatına qoşulması, narazılıq əhval-ruhiyyəsinin getdikcə daha geniş əhali kütlələrini əhatə etməsi Sərkisyanı ən ağılasığmaz üsullara əl atmağa sövq edə bilər. Düzdür, əksər politoloqlar qeyd edir ki, hazırkı situasiyada Sərkisyanın cəmi 2 yolu qalır: ya fövqəladə vəziyyət elan edib, ordunun köməyilə paytaxtda vəziyyəti tam nəzarətə götürmək, ya da ki, istefa verib, öz yerini həm Rusiyanı, həm Qərbi, həm də ki, erməni ictimaiyyətini qane edən başqa bir şəxsə təhvil vermək. Amma siyasətdə kritik vəziyyətlərdən çıxış yolları tapmaq Sərkisyan kimi hiyləgər şəxslər üçün elə də çətin məsələ deyil”.

 

Versus.Az-ın məlumatına görə, bunu Demokratik Azərbaycan Dünyası Partiyasının (DADP) sədri Əlisahib Hüseynov İrəvanda səngimək bilməyən mitinq və onun nəticələri barədə açıqlamasında bildirib.

Qeyd edib ki, hazırda Sərkisyanın əlində ən azından, əlavə 2 ehtiyat variant var:

 

“Variantlardan biri budur ki, sabah (aprelin 24-ü) qondarma "erməni soyqırımı"nın 103 illiyi tamam olur. Serj Sərkisyan bu epizodda rəqiblərinin ümumerməniçilik hislərindən yararlanaraq guya ki, milli həmrəylik və konsensus nümayiş etdirmək adıyla tərəfləri sakitləşdirə və bir araya gətirə bilər. Digər variant isə Qarabağda qəfil müharibəyə başlamaq variantıdır. Rusiya mediası da bu variantın üzərində çox dayanır. Hərçənd ki, bu ən az ehtimal olunan variantlardan biridir. Çünki Sərkisyan müharibə "kart"ından əvvəllər də bir neçə dəfə istifadə etməyə cəhd göstərib. Odur ki, erməni cəmiyyəti bu dəfə Sərkisyanın bu hiyləsinə, avantürasına aldanmaq istəməz”.

 

Ə.Hüseynovun fikrincə, indiki halda Sərkisyanı yalnız Putin xilas edə bilər:

 

“Hazırda Sərkisyan rejimini Qərbdən çox məhz Putin sıxır. Etiraz hərəkatı da həm Rusiyanın, həm də Qərbin körüklədiyi "idarəolunan xaos" aksiyasından başqa bir şey deyil. Odur ki, hazırda İrəvan küçələrində baş verən olayları demokratik inqilab adlandırmaq sadəlövlük olardı. Və bu dırnaqarası "inqilab"ın liderlərinin (başda Paşinyan olmaqla) bu gün axşam saatlarına kimi geri çəkilmək ehtimalı və Rusiyanın diktəsi ilə hərəkət etmək perspektivi yüksəkdir. Bütün hallarda son sözü Kreml deyəcək. Sərkisyanın yerinə kim gəlsə, o da elə məcburən Rusiya meylli olacaq. Buna Ermənistanın coğrafi mövqeyi və tarixi-siyasi vəziyyəti məcbur edir. Odur ki, hakimiyyət başına kim gəlsə də fərq etməz, heç bir erməni lideri ermənilərə xas olan iddialardan əl çəkən deyil. Odur ki, biz Ermənistandan törəyə biləcək hər cürə təhlükələrə və pisliklərə hər an hazır olmalıyıq”.

Xəbər lenti

InvestAZ

Ən çox oxunan xəbərlər

Bakıda möhtəşəm Şimali Kipr günü

Şanlıurfada Azərbaycan Bulvarı açılacaq

Millət vəkili İstanbulda "Ailə, dövlət və toplum"dan danışıb

Millət vəkili büdcə müzakirələri zamanı seçicilərin bir sıra problemlərini qaldırıb

Görmə imkanları məhdud gənclərin "Könül dünyası" gecəsində

AXC-nin və Türk Qafqaz İslam Ordusunun Azərbaycana yardıma gəlməsinin 100-cü ildönümündə - KONFRANS

"Sizin uğurunuza bütün cəmiyyətimiz sevinir"

“Gərək Nəsir bəy bu məsələdə məndən inciməsin”

Araşdırmaçı-yazar Sara Pourun iştirakı ilə "Uğurun açarı - Özgüvən"

“Mənə “müxalifət” deyilməsini qəbul eləmirəm” - MÜSAHİBƏ

17 noyabır bizə nə verdi?

Şimali Kipr Türk Cümhuriyyətinin 35-ci ildönümü Bakıda qeyd olundu

“İndi özünü meydan lideri sayan çoxdur, amma faktiki olaraq biz iki nəfər idik”

Müasir telemekanın mövzu özəlliyi: Gender aktuallığı

Bütün növ pensiyalar artırılacaq