Səbirsizliklə sentyabrın gəlişini gözləyirəm
Salam. Yenə mənəm, Novosibirskidə yaşayan azərbaycanlı Aliyə Abdurazakova.
Bir neçə gündən sonra sentyabr ayıdır. Burada dərslər sentyabrın 1-i başlayır. Və mən səbirsizliklə sentyabrın gəlişini gözləyirəm. Düzdür, tətildə oynamağa, gəzməyə getməyə çoxlu vaxt olur, amma mən məktəbə getməyi də xoşlayıram. Çünki məktəbdə çoxlu yeni nələrsə öyrənirəm.
Müəlliməm tətildə oxumağa kitablar tapşırmışdı. Və mən də hamısını oxumuşam. Oxuduğum hekayələrdən L.N.Tolstoy “Kotyonok”, Bratya Qrimm “Tri brata”, Q.B.Oster “Vrednıye sovetı” və V.Y.Draqunskiy “Deniskinı rasskazı” daha maraqlı idi.
Tətildə balaca bacıma saymaği da oyrətmişəm. Bacım hələ baxçaya getmir, amma Azərbaycan və rus dilində 10-na qədər saymağı bilir. İndi də ingiliscə saymağı öyrədirəm.
Mən özüm də ingilis dili dərsini çox sevirəm. Həmişə əla qiymət alıram. Müəlliməm də həmişə məni uşaqlara nümunə göstərərək deyir ki, görürsüz, Aliyə həm öz dilini bilir, həm rus dilində yaxşı oxuyur, həm də ingilis dilini yaxşı öyrənir.
Hə, bir də rəqsə getməyə də davam edirəm. Oktyabrda konkurs olacaq və biz də ona hazırlaşırıq.
Unutmadan Azərbaycandakı dostlarıma da dərslərində uğurlar arzulayıram. Orada dərslər sentyabrın 15-i başlayır, mən də öncədən onları da təbrik edirəm.
Xəbər lenti
Biləcəridə yağan yağış evləri su altında qaldı
Sakinlərin əksəriyyəti evlərini bağlayıb gediblər