"Ömrümün qalan hissəsini İlham Əliyevin apardığı uğurlu siyasətinə daim dəstək olacam!"
101 saylı Göygöl-Daşkəsən seçki dairəsindən deputatlığa namizəd Hafiz Hacıyev sosial media vasitəsi ilə seçicilərinə müraciət edib.
Versus.Az-ın məlumatına görə, müraciətdə deyilir:
"Əziz həmvətənlərim!
101 saylı Göygöl-Daşkəsən seçki dairəsinin seçiciləri!
Son 25 il də Ulu Öndər Heydər Əliyevin siyasətinin uğurla davam etdirilməsi üçün öz dəstəyimi əsirgəməmişəm.
Bütün xalqımın gözü qarşısında 4 dəfə prezidentliyə namizəd olduğum dövrdə hörmətli Prezidentimiz İlham Əliyevə siyasi dəstək olmaq üçün ən çətin anlarda onunla bir yerdə olmuşam.
Hörmətli Prezidentimizin siyasi düşmənlərinə qarşı ən ciddi və aqressiv siyasi mübarizə aparmışam. Ömrümün qalan hissəsini İlham Əliyevin apardığı uğurlu siyasətinə daim dəstək olacam!
Əziz seçicilərim!
Mən öz siyasi əqidəmi dəfələrlə xalqımın qarşısında nümayiş etdirmişəm.
Siz seçicilərim mənə dəstək verəcəyiniz təqdirdə bütün problemlərinizin həll edilməsində bu günə qədər etdiklərimdən daha da artığını edəcəyimə söz verirəm.
Əziz seçicilərim!
Sizləri 20 yanvar 2020 ci il tarixindən Göygöl-Daşkəsən ərazisində kecirəcəyim görüşlərə dəvət edirəm".