RAZİ NURULLAYEV ixtisara düşən 500 nəfərin taleyindən NARAHATDIR

"İmişlidə Şəkər zavodunda 500 nəfər işçinin ixtisar edilməsi böyük faciədir. Çünki, 500 nəfər ailə çətinliklə üzləşəcək".

Versus.Az xəbər verir ki, bu sözləri İmişlidəki Şəkər zavodunda ixtisara düşmüş insanların yaşamlarının ağırlaşacağından narahat olan AXCP sədri, növbədənkənar parlament seçkilərinə namizəd Razi Nurullayev deyib:

"Şirkət rəhbərliyi zavodun 3 ildir zərərlə işlədiyini deyir. Bu üç ildə hökumətin bu məsələyə biganə qalması, zavodun zərərlə işləməsinə laqeydlik göstərməsi, zavodun istehsal etdiyi məhsulun rəqabətlilik əmsalının zəif olduğunu bilərək, ucuz idxalı məhdudlaşdırmaması başadüşülən deyil. Bunu tənzimləmək mümkün idi və hələ də gec deyil".

Deputatlığa namizəd qeyd edib ki, hökumət təcili bu məsələnin həlli üçün konkret addımlar atmalı və zavodun fəaliyyətini bərpa edərək, işçilərin geri qaytarması üçün təcili işlər görməlidir:

"Zavod rəhbərliyinin verdiyi açıqlama kifayət qədər açıq olsa da, qaranlıq məqamlar da var. Onlar hökumətə müraciət etmişdimi, cavab nə olub və günahkar kimlərdir? 500 nəfər ailənin ah-naləsinin qarşısında dayanmaq çətin məsələdir!"

SEVDA
Versus.Az