İQBAL AĞAZADƏNİN növbəti görüşü Gəncə prospektinin sakinləri ilə olub - FOTO

35 saylı Xətai üçüncü Seçki Dairəsindən deputatlığa namizəd, Ümid Partiyasının sədri İqbal Ağazadənin növbəti görüşü yenə də Gəncə prospektinin sakinləri ilə olub.

Deputatlığa namizədin seçki qərargahından Versus.Az-a verilən məlumata görə, Gəncə prospekti 65 ünvanında yaşayan seçicilər qarşısında çıxış edən namizəd sakinlərin problemlərindən danışıb, onların həlli yollarını açıqlayıb.

İqbal Ağazadə qeyd edib ki, məhəllə problemlərini bilir və həlli üçün əlindən nə gəlirsə, edəcək:

“Eyni zamanda ümumölkə problemlərinin, Qarabağımızın işğaldan azad edilməsi üçün bütün varlığımla mübarizə aparacam”.

Sonda İ.Ağazadə sakinləri bir-bir dinləyərək onların suallarını cavablandırıb. Sakinlər isə onu dəstəklədiklərini ifadə edərək seçkidə məhz ona səs verəcəklərini bildiriblər.

LƏMAN
Versus.Az