"Məktəbli forması seçərkən gigiyena normalarına əməl edilməlidir"

13:04 27-01-2020 | icon 1135 | Təhsil
"Məktəbli forması seçərkən gigiyena normalarına əməl edilməlidir"

Təhsil naziri Ceyhun Bayramov məktəbli forması ilə bağlı məsələyə aydınlıq gətirib.

 

Versus.Az xəbər verir ki, nazir mətbuat konfransında bildirib ki, vahid məktəbli formasının tətbiqi  ilə bağlı əsas məsələ düzgün çərçivənin, rahat, keyfiyyətli, standartlara uyğun olan geyim formasının müəyyən edilməsidir:

 

"Ümumtəhsil müəssisələrinin nümunəvi nizamnaməsi"ndə qeyd edilir ki, məktəb daxilində məktəbli geyimləri vahid olmalıdır. Ancaq bütün ölkə üzrə məktəbli formalarının vahid olması ilə bağlı hər hansı standart, norma mövcud deyil. Biz sırf qanunvericilik baxımdan yanaşsaq, belə çıxır ki, hər məktəb özü  öz məktəbi daxilində geyim müəyyənləşdirə bilər. Ancaq hər bir məktəb özü üçün məktəbli forması seçərkən müəyyən gigiyena normalarına  əməl edilməli, standartlar gözlənilməlidir".

 

Nazir deyib ki, reallıqda buna o qədər də ciddi əməl edilmir:

"Ona görə "Təhsil haqqında" qanuna 2018-ci ildə edilən dəyişikliyə əsasən, dövlət məktəbli formalarının nümunələrini təsdiq edəcək və məktəblər də bu nümunələr sırasından  seçim edə biləcəklər.  Təsdiq edilən dövlət nümunələri 3-5 növ ola bilər. Orada bütün tələblər qeyd edilir. Bunlar da sözsüz ki, daha çox istehsalçılar üçündür. Onlar normalara ciddi əməl etməlidirlər".

 

Nazir həmçinin bildirib ki, hər bir məktəb valideynlərlə birlikdə uyğun geyim formasını müəyyən edərək seçə bilər:

"Məktəblər üçün təsdiq edilən geyim formaları arasından hansısa birinin istifadə edə bilinməsi ilə bağlı heç bir məhdudiyyət qoyulmayacaq. Hesab edirik ki, məktəbli formaları həmin nümunələrdən biri ola bilər".

 

Nazir qış aylarında qızlar üçün şalvar geyimindən istifadənin mümkün olub-olmadığı məsələsinə də aydınlıq gətirib. O deyib ki, hazırda aparılan ictimai müzakirənin məqsədi ilkin hazırlanmış forma layihələrinə rəyin verilməsidir:

"Əminliklə deyə bilərəm ki, bizə daxil olan rəylər əsasında həmin layihələrdə dəyişiklik olacaq və yeni təkmilləşmiş variant müzakirəyə çıxarılacaq".

Xəbər lenti

InvestAZ

Ən çox oxunan xəbərlər

Əfəndilər, Yardımlı da Azərbaycandır

Röyanın Moskva konserti təxirə salındı - SƏBƏB?

Moskvadakı dəhşətli terrorda ölənlərin sayı 150-yə çatıb

Rusiyada teraktda yaralananların durumu açıqlanıb

Ayılar üçün maraqlı əyləncə

Artritə səbəb olan 5 mühüm SƏHV

İdmançımız Almaniyada keçirilən turnirdə ikinci qızıl medalını qazanıb

Tarixçidən maraqlı faktlar

İtlər hətta simvolları da anlayırlar

Gündə 1 dəqiqə cəfəri çeynəyin

Şəfalı olduğu düşünülən bu bitkilər böyrəkləri çürüdür

Gimnastlarımız Dünya Kubokunda finala yüksəliblər

Dəri problemlərindən mərciməklə xilas olun

Bu iki ədviyyatı birgə istifadə edin

Ən sürətli qol