Abbas Trampın Yaxın Şərq Sülh planını ölkəsinə qarşı sui-qəsd adlandırıb
Fələstin lideri Mahmud Abbas ABŞ-ın Yaxın Şərqdəki nizamlama planını sui-qəsd adlandırıb.
Versus.Az xəbər verir ki, bu barədə çərşənbə axşamı Ramallahda Fələstin televiziyasında canlı yayımda danışarkən deyib.
“Qüds satılmır və sizin sui-qəsdiniz baş tutmayacaq. Fələstin xalqının tarixi hüquqlarına laqeyd yanaşmağa imkan verməyəcəyik. Biz paytaxt Qüds ilə birlikdə Fələstin Dövlətinə sadiqik”, - deyə M.Abbas vurğulayıb.
O, əlavə edib ki, Fələstin problemini aradan qaldırmaq planı uğursuz olacaq:
“Biz diz çökməyəcəyik və Fələstin problemini aradan qaldırmaq üçün sui-qəsdlər, sövdələşmələr və xain planlar uğursuzluğa düçar olacaq. Bu çətin anda fələstinliləri mitinq keçirməyə və bu planından imtina etməyə çağırıram”.
Xəbər lenti
Rusiya Moskva yaxınlığındakı terrorda "Ukrayna izi" TAPDI
İstintaq terror aktının icraçılarının Ukraynadan...