Siyasi mübarizəni etika çərçivəsində aparaq, mərhələlərlə siyasi mədəniyyət formalaşdıraq, hakimiyyətin demokratik varisliyini hər kəsin qəbul edəcəyi səviyyəyə çatdıraq.

Bu il Azərbaycan Xalq Cümhuriyyətinin 100 illiyidir, Heydər Əliyevin 95, Əbülfəz Elçibəyin 80 illiyidir. Bu il çox gözəl və əlverişli ildir ki, Azərbaycanın bu üç şəxsiyyətinin vəhdətini yaradaq və bu birlik Azərbaycanın yeni siyasi inkişafına töhvə vermiş olsun. Biz bu yöndə çalışırıq və amalımız da Azərbaycanı firavan, insanlarını xöşbəxt görməkdir.

Hamımız bu üç şəxsiyyətin siyasi vəhdəti yolunda addımlar atSaq, o zaman istədiyimiz Azərbaycanı görə biləcəyik. Hər proses mərhələ-mərhələ pik nöqtəsinə çatır. Biz Azərbaycanı radikal, köklü olaraq birdən-birə dəyişə bilmərik. Bu cür dəyişikliyin yolu qanlı inqilablardır, onun isə faydasından çox gətirdiyi fəlakət böyükdür. Elə buna görə də xalq da radikal və təlatümlü dəyişiklik istəmir.

Biz Azərbaycanda mərhələli demokratik proseslərin sonucu olaraq fərqli ölkə istəyirik! Buna da nail olacağıq! Birlikdə və əl-ələ verməklə!