Türkməneli partiyasının lideri: Kərkük üzərində böyük oyunlar gedir

19:34 15-05-2018 | icon 693 | Dünya
Türkməneli partiyasının lideri: Kərkük üzərində böyük oyunlar gedir

 

Riyaz Sarıkahya: “Əgər hökumət bu məsələyə müdaxilə etmirsə, o zaman bu dövlətin və hökumətin etibarı qalmayacaq

 

Mayın 12-də İraqda keçirilən parlament seçkilərindən sonra yüz illərdir ki, öz varlığıni, dilini, mədəniyyətini min bir çətinliklə qoruyub saxlayan, həmişə ayaqda dayanan Kərkük, Türkmənelində vəziyyət kritik həddə çatıb. Kərkük insanlarına qarşı böyük haqsızlıq baş verib və seçki saxtalaşdırılıb. Bundan sonra türkmənlər seçkilərin nəticələrinə etiraz əlaməti olaraq, küçələrə çıxıb, öz haqlarını tələb ediblər.

 

Versus.Az-ın məlumatına görə, ekspertlər hələ seçkilərdən öncə hesab edirdilər ki, təxminən 24 milyon qeydə alınmış seçici olan İraqda, əhali nisbətinə görə Kərkükdən 13 millət vəkili seçmək mümkündür. Təəssüf ki, keçirilən seçkilərdə Kərkük, türkmənlər tarixlərinin ən böyük haqsızlığı, saxtakarlığı ilə üz-üzə qaldılar.

 

İraq parlamentinə Kərkükdən namizəd, Türkməneli partiyasının rəhbəri Riyaz Sarıkahya Versus.Az-a açıqlamasınada bildirib ki, Kərkük üzərində böyük oyunlar gedir. Bu gün isə türkmənlər gerçək soyqırımla üzləşiblər:

 

“İraqda parlament seçkilərində böyük saxtakarliq baş verdi. Biz sonuna qədər dirənəcəyik. Ya səslər yenidən əllə sayılmalıdır, ya da yeni seçki keçirilməlidir. Türkmənlər haqlarından əsla vaz keçməyəcəkdir. Hər zaman İraqın bütövlüyü, dövlətçiliyi uğrunda mübarizə aparıb, şəhidlər vermişik. Bu gün də halal haqqımızı tələb edirik. Rəsmi Bağdaddan türkmənlərə, Kərkükə ədalət istəyirik”.

 

Türkməneli partiyasının lideri Riyaz Sarıkahya əlavə edib ki,  biz bütün Türk dünyasına çağırış edirik, Kərkükdə baş verənlərə seyriçi qalmasınlar:

 

“Kərkük əhalisinin səsi eşidilənə qədər mübarizəmizi davam etdirəcəyik. Yeri gəlsə, son nəfəsimizə, son qanımıza qədər mübarizə aparacağıq, amma bu torpaqlardan bir addım geri addım atmayacağaq. Kərkük insanı sonuna qədər öz dilini, bayrağını qoruyacaq. Biz İraqın bərabərhüquqlu vətəndaşlarıyıq. Seçilmək, Kərkükü, Türkməelini təmsil etmək, səsimizi çatdırmaq bizim də haqqımızdır”.

 

Türkməneli partiyasının yaydıgı çağırışda daha sonra bu fikirlər yer alır:

 

"Türkmən xalqı olaraq, necə ki, dövlətin parçalanmasına yox dedik, seçkinin nəticələrinin saxtalaşdırılmasına da göz yummayacağıq. Əgər hökumət bu məsələyə müdaxilə etmirsə, o zaman bu dövlətin və hökumətin etibarı qalmayacaq. Türkmənlər İraqın ən fədakar, ən vətənpərvər xalqıdır. Biz ölkəmizin bütövlüyü uğrunda qanımızı, canımızı, malımızı verdik. Amma dövlətin və hökumətin bizə cavabı budur. Biz son damla qanımızadək, Allahın köməkliyi ilə ülkü ocaqları sayəsində ayaqda duracağıq. Üzərimizdə oynalınan oyunlar bizi yox edə bilməz. Biz 1918-ci ildən indiyədək fərqli oyunlara gəldik, amma hələ də ayaqdayıq".

 

Türkməneli partiyasını lideri Riyaz Sarıkahya türk dünyasının Kərkük türkmənlərinin səsinə səs verəcəyinə ümid etdiyini vurğulayıb:

 

“Türkmənlər ayrı-ayrı mərhələlərdə həmişə belə ağır sınaqlarla üzləşiblər, torpaqlarımızın üzərini qara buludlar alıb. Amma biz canımız amlımız bahasına bu torpaqları qorumuşuq, varlığımızı sübut etmişik. Türkmənlərin bu günkü dirənişi də bütün dediklərimizin isbatıdır”.

 

Ağanisə Sultanova
Versus.Az

Xəbər lenti

InvestAZ

Ən çox oxunan xəbərlər

Qənirə Paşayeva Hatay vilayətində türk dünyası gəncliyinə çağırış edib

Ruhən "xəstə" olan insanlara meydan oxuyan xanım

37 saylı məktəb Laçın rayonu üzrə ən yüksən nəticə göstərib

Solo konsert baş tutdu

“Mənim üçün şeir yazmaq Tanrıyla, kağızla ehtiraslanmaqdır”

Nazirlik məktəblərdə monitorinqlər aparmalıdır - BƏYANAT

"Savadlı qadın mollalara ehtiyac var"

ALDP-də türk və Azərbaycan şəhidləri yad edilib

Nazir yeni modelin mahiyyətini açıqladı

Qafqaz İslam Ordusu və Bakının azad edilməsi - 100

İlyas İsmayılovun oğlu öldürüldü

"Ona Azərbaycanın daxili işlərinə burnunu soxmamasını məsləhət görürük"

"“Quba Məzarlığı”nın basdırılması cinayətdir”

Aşura günü bu ünvanlarda könüllü qanvermə aksiyaları keçiriləcək

Yeni nəsil şəxsiyyət vəsiqələrinin verilişi...