Millət vəkili nazir və merlə görüşüb

10:34 19-05-2018 | icon 273 | Cəmiyyət
Millət vəkili nazir və merlə görüşüb

 

Qənirə Paşayeva: “Azərbaycan Avstraliya ilə əlaqələrin və dostluğun inkişafına böyük önəm verir”

 

Millət vəkilib Qənirə Paşayeva Avstraliya Xarici İşlər Naziri və Sidney meri ilə görüşüb. Millət vəkili Azərbaycanın Avstraliya ilə əlaqələrin və dostluğun inkişafına verdiyi böyük önəmdən danışıb.

 

Versus.Az-ın məlumatına görə, millət vəkili Qənirə Paşayeva Avstraliyanın Xarici İşlər naziri Culio Bişop və Sidney meri Klover Mur ilə görüşdə əməkdaşlığın daha da genişlənməsinin vacibliyi məsələsinə toxunub.

 

Müzakirələr zamanı Q.Paşayeva onlara Azərbaycan, ölkəmizin 1-ci vitse-prezidenti Mehriban Əliyeva başda olmaqla Azərbaycan qadınlarının cəmiyyətdə rolu və Qarabağ həqiqətləri ilə bağlı məlumatlar verib. 1 milyon azərbaycanlının, yüz minlərlə azərbaycanlı qadının Ermənistanın işğalı nəticəsində öz yurd-yuvalarından qaçqın və məcburi köçkün düşməsi və onların fundamental insan haqlarının bu gün də Ermənistan tərəfindən pozulmaqda davam etməsi, Ermənistanın işğal etdiyi Azərbaycan torpaqlarında törətdiyi vandalizm aktları ilə bağlı məlumatlar verən Q.Paşayeva deyib ki, dünyanın harasında yaşamasından asılı olmayaraq bütün qadınlar, xüsusilə də beynəlxalq aləmdə nüfuzlu qadınlar Ermənistanın törətdiyi bu kimi vandalizm aktlarına, körpə uşaqları qətlə yetirməsinə, yüz minlərlə azərbaycanlı qadının Ermənistan tərəfindən pozulmaqda davam edən fundamental insan haqlarına laqeyd, seyrçi qalmamalı və buna qarşı öz etiraz səsini ucaltmalıdır.

 

Avstraliyanın da Azərbaycanla əməkdaşlığın, dostluğun inkişafına böyük önəm verdiyini deyən Avstraliya rəsmiləri, iki ölkə arasında münasibətlərin getdikcə daha da sürətlə inkişaf edəcəyinə inandıqlarını vurğulayıblar. İki ölkənin qadın siyasətçləri, iş adamları, qeyri-hökumət, KİV nümayəndələri arasında münasibətlərin və qarşılıqlı səfərlərin vacibliyi, münasibətlərin, əməkdaşlığın inkişafı üçün böyük prespektivlər olduğunun vurğulandığı görüşdə iki ölkə arasında qarşılıqlı dəstəyin və əməkdaşlığın daha da sürətlənəcəyinə inam vurğulanıb.

 

Qənirə Paşayeva Avstraliya rəsmilərinə Azərbaycanın iqtisadi potensialı, mədəniyyəti ilə bağlı məlumatlar verib, Azərbaycanın tarixi, mədəniyyəti ilə bağlı materiallar hədiyyə edib və bu mövzularda Avstraliyanın bəzi KİV-lərinə müsahibələr verib.

Xəbər lenti

InvestAZ

Ən çox oxunan xəbərlər

“Moskva Elçibəyi Yusif Sərrac obrazında ortaya buraxdı ki...” - LAYİHƏ

37 saylı tam orta məktəbdə SON ZƏNG

Sərdar Cəlaloğlu hiddətləndi: “O söyüşlərdən min dəfə artığı özünüzə aiddir”

İşğal olunmus təfəkkür... Stokholm sindromu və...

"Azərbaycan yeganə ölkədir ki..."

"Artıq Laçına gedən yola da ordumuz nəzarət edir"

Laçınlılar Mübariz Mənsimovun müdafiəsinə qalxdı

“Ömürlük müxalifətdə qalmaq fikrim yoxdur” - MÜSAHİBƏ

"Ermənistan XİN-in bəyanatı cəfəngiyyatdır"

Müdafiə Nazirliyi VİDEO yayıb

"Əminik ki, Qarabağ işğaldan azad ediləcək"

"Bu nə təhsil sistemimiz, nə də dövlət siyasətimiz baxımından qəbulolunandır"

75 əcnəbi qaçqın statusu alıb

"Qaçqın problemi indi bütün dünyanı silkələyən problemə çevrilib"

Hücum casusluq məqsədilə həyata keçirilib