Millət vəkili Beynəlxalq Altın Göl Başarı mükafatına layiq görülüb

15:13 22-05-2018 | icon 1240 | Gündəm
Millət vəkili Beynəlxalq Altın Göl Başarı mükafatına layiq görülüb

 

Qənirə Paşayeva: “Türk dünyasının gücü onun birliyindədir”

 

 

Anadolu Basın Birliyi tərəfindən təşkil edilən tədbirdə millət vəkili Qənirə Paşayeva Beynəlxalq Altın Göl Başarı mükafatına layiq görülüb. Mükafatı millət vəkilinə Anadolu Basın Birliyi Vat bölməsi başqanı Ayhan Yazıq və Van Böyükşəhər Genel Sekreteri Mustafa Yalçın təqdim edib.

 

Versus.Az-ın məlumatına görə, təqdimat zamanı millət vəkili Q.Paşayevanın Azərbaycan-Türkiyə münasibətlərinin inkişafı, Türk dünyasına göstərdiyi xidmətlərdən, türk mədəniyyəti, ədəbiyyatı, sənətinə xidmətlərindən və harada yaşamasından asılı olmayaraq türk insanına dəstəyindən, türk dövlətlərinin və toplumlarının birliyi istiqamətində çalışmalarından və bu istiqamətdə gənclərlə geniş iş aparmasından, türk dövlət və toplumlarının beynəlxalq arenalarda haqlarının müdafiəsi istiqamətində addıımlarından dolayı bu mükafata layiq görüldüyü bildirilib.

 

Türkiyənin və Türk dünyasının bir sıra rəsmi şəxsləri, yazarları, QHT və KİV nümayəndələri, türk dünyasının müxtəlif bölgələrindən gəlmiş aydınların iştirakı ilə keçrilən tədbir çərçivəsində belə bir mükafata layiq görülməsini Azərbaycana olan diqqət və sevginin göstəricisi olduğunu söyləyən Q.Paşayeva Anadolu Basın Birliyinə, onun Van şöbəsinə və bütün təşkilatçılara təşəkkürünü bildirib. Millət vəkili bildirib ki, bu mükafatı özünün türk dünyası sevdası, duyğu, düşüncə və əməlləri ilə türk gəncliyinə böyük örnək olan, yol göstərən türk dünyasının aydın qadınlarını rəhmət və sayğı ilə anaraq, onların ruhları qarşısında baş əyərək qəbul edir.

 

Qənirə Paşayeva çıxışıında “Azərbaycan və Türkiyə bir millət iki dövlətdir. Türkiyə nə qədər güclənərsə, bu Azərbaycanın və bütün türk dünyasının gücü, Azərbaycan nə qədər güclənərsə, bu, Türkiyənin və bütün türk dünyasının gücüdür” deyib və türk dünyasının gücünü onun birliyində gördüyünü vurğulayıb. Türklərin ona məxsus olana sahiblənməyi bu birliyi daha da qüvvətləndirdiyini deyən millət vəkili bu birlik sayəsində əl-ələ verərək Azərbaycanın Ermənistan tərəfindən işğal edilmiş torpaqlarını da işğaldan azad edəcəyimizi bildirib:

 

“Mən inanıram ki, biz birlikdə o gözəl torpaqlarımızı Ermənistan işğalından azad edəcəyik. Və belə gözəl festivalları işğaldan azad edəcəyimiz Dağlıq Qarabağda, Xankəndidə, Şuşada, Laçında və digər o gözəl torpaqlarda keçirəcəyik”.

 

Millət vəkili türk dünyasının yaşadığı acılardan da geniş danışıb və bildirib ki harada doğulub, harada yaşamamızdan asılı olmayaraq qardaş-bacılarımızla bağlı məsələlərdə hər zaman duyarlı olmalıyıq. Azərbaaycanın müstəqiliyyə qədər keçdiyi yoldan və bu günə qədər əldə etdiyi uğurlardan da danışan Q.Paşayeva bildirib ki, bölgədə Azərbaycan və Türkiyəyə qarşı, türk toplumlarına qarşı böyük güclərin ədalətsizliyiə, oyunlarına qarşı ən yaxşı mübarizə birlikdir və biliyimizi daha da gücləndirməliyik. Millət vəkili  yaxın zamanlarda Azərbaycanda "Qarabağdan Vana könül körpüsü" adlı tədbirin keçiriləcəyini də vurğulayıb.

 

Mükafatlandırılanlar arasında daha bir azərbaycanlı  araşdırmaçı-mütəxəssis Məlahət Qəhrəmanova da olub və o da çıxışında Azərbaycan-Türkiyə münasibətlərinə xüsusi yer ayırıb.

 

Millət vəkili Q.Paşayeva səfər və tədbirlər çərçivəsində Vanda qeyri-hökumət təşkilatları, fəal qadın və gənclər təşkilatları, aydınlar, bu bölgədə yaşayan və təhsil alan azərbaycanlılarla da görüşüb, geniş fikir mübadiləsi aparıb. O, həmçinin Vanda KİV-ə Azərbaycan, Azərbaycan-Türkiyə münasibətləri və bölgədə baş verən hadisələrlə bağlı geniş müsahibələr verib.

Xəbər lenti

InvestAZ

Ən çox oxunan xəbərlər

“İsgəndər Həmidov onları oğlunun toyuna çağırmır...”

“O, hər zaman bizim qəlbimizdə yaşayacaq”

Məhluqə Rəhimova yenidən ƏQC-nin sədri seçildi

Bu müəllimi 400 nəfərin arasından seçdilər - VİDEO

“Bu “zirvə” real olmayan bir zarafat kimidir”

“Müxalifətin zirvə görüşü zəruridir”

Qızlarınıza GÜCLÜ QADIN olmağı öyrədin - HƏYAT HEKAYƏSİ

Bağışlanmaz səhvlərə imza atanlar

Ümummilli lider Xanqaraqoyunlu məktəbində də anılıb

Xırdalan məktəbində “100 ilin rəngi”

Sayğacın pulu ödənilib, amma sayğacdan xəbər yoxdur - VİDEO

“Bu partiyalar arasında bir-birini qəbul etməyən siyasətçilər çoxdur”

Masallının Sığıncaq kəndində yanan evdən xəbər var

Laçınlı döyüşçülər Heydər Əliyevin məzarını ziyarət ediblər

XXI əsrin yeni “QAYNANA”sı nələr edəcək?