Razi Nurullayev: “Vətəndaşlarımızda sabaha ümid yaranıb”

Millət vəkili Razi Nurullayev Azərbaycan xalqını müqəddəs Ramazan bayramı münasibətilə təbrik edib.

Versus.Az xəbər verir ki, təbrikdə deyilir:

“Əziz millətim, sizi müzəddəs Ramazan bayramı münasibətilə ürəkdən təbrik edirəm. Qoy uca Allah xalqımızı bütün bəlalardan hifz etsin. Virus təhlükəsi ölkəmiz üzərindən götürülsün, insanlarımız azad və firavan yaşasın.

2020-ci il ağır başlasa da, həm də ümidlər ili olmuşdur. Ölkəmizdə korurupsiya və rüşvətxorluğa qarşı mübarizə aparılır. Azərbaycan vətəndaşlarında sabaha ümid yaranıb. İnanıram ki, ümid günü-gündən daha da möhkəmlənəcək.

Xalqımızın həm də Dağlıq Qarabağ kimi dərdi var. Uca Allah xalqımızın düşmənlərinə aman verməyəcək və haqq yerini tapacaq, didərgin və köçkünlərimiz yurd-yuvalarına qayıdacaq.

Ramazan bayramınız mübarək!”