Flora Kərimova qaynana oldu

Xalq artisti Flora Kərimova "Qaynana 2018" filminə çəkilir.

Versus.Az xəbər verir ki, Caspian Media Group şirkəti tərəfindən istehsal olunan film müasir qaynananın macəralarından bəhs edir.

Filmdə muasir qaynananı tərənnüm edən Canan (Flora Kərimova) oğlunu imkanlı və elit ailənin qızı ilə evləndirmək istəsə də, oğlu evlərində çalışan qulluqçunun qızına aşiq olur.

Layihənin rəhbəri və filmin baş prodüseri Hüseyn Cavadzadə, rejissoru Orxan Ağazadə, operatoru Şahmar Səfəroğlu ssenari müəllifi Nicat Dadaşov, rəssam İmruzə Hüseynova, səs rejissoru Ədalət Xəlilov, ikinci rejissor Dilşad Baxşəliyeva, icraçı prodüserləri Azər Həsənov və Omar Abdulkərimov, qrim üzrə rəssam Sevda Zeynalova, Səbinə İmanovadır.

Filmdə Flora Kərimova, Səfa Mirzəhəsənov, Elməddin Cəfərov, Riad Abdul, Sevinc Əliyeva, Gülşad Baxşıyeva, Azum Oqocukvo Joy və başqaları çəkiliblər. Filmdə epizodik səhnələrin birinə dünyaca məşhur "Papito" mahnısının ifaçısı rumıniyalı müğənni Seeya da çəkilib.

İnformasiya dəstəyi - Trend.az, Day.az, Milli.az