XƏBƏRDARLIQ
Bu il Bakının Qaradağ rayonunun Sahil qəsəbəsinin "Sahil" və Səbail rayonunun "Şıx" çimərliyində dəniz suyunun tərkibində zərərli maddələrin miqdarı normadan artıq olduğu üçün qeyd edilən çimərliklərdən istifadə etmək məqsədəuyğun olmayacaq.
Versus.Az xəbər verir ki, bunu Ekologiya və Təbii Sərvətlər Nazirliyinin Ətraf mühit üzrə Milli Monitorinq Departamentinin əməkdaşı Mirsalam Qəmbərov bildirib.
Onun sözlərinə görə, nazirlik tərəfindən Abşeron yarımadasının kanalizasiya şəbəkəsi olmayan Bilgəh, Buzovna, Mərdəkan, Pirşağı qəsəbələrinin sahil zolağında, "Amburan" çimərliyində, eləcə də Novxanı və Corat bağlarının sahil boyu ərazilərində müvafiq standartlara cavab verən modul tipli çirkab təmizləyici qurğular quraşdırılıb:
"Xəzər dənizində aparılan monitorinqlərin nəticələri bunu deməyə əsas verir ki, qeyd olunan ərazilərdə çimərlik sahələri yay mövsümündə çimərlik kimi istifadə üçün yararlıdır".
Hazırda ETSN tərəfindən Xəzər dənizi zolağında və çimərlik ərazilərində monitorinqlər davam etdirilir.
Xəbər lenti
Qərbi Azərbaycan İcmasından ABŞ Dövlət Departamentinə CAVAB
"Ermənistandan qovulmuş azərbaycanlıların qayıdış hüququna hörmət etməyə çağırırıq"