Xavərin ilk nağıl kitabı

Balaca istedad Xavər Kərimli 2011-ci il martın 6-da Bakıda dünyaya gəlib. 2 yaş yarımında “Şəkər Bala” özəl uşaq bağçasına gedib. Orda iki dildə - rus və ingilis dillərində təhsil alıb. Bağçaya getməzdən öncə artıq rəsm çəkməyi sevdiyi hiss olunurdu, eyni zamanda kitabları vərəqləyib şəkilləri üzrə nağıllar uydurardı. O yaşlarda “Mezzo” ən şox baxdığı kanal olub.

Xavər hələ körpəliyindən balet səhnələrini şox sevərdi. O sevgi bu gün də davam edir.

Bağçada gimnastika, rəsm və şahmat dərnəklərinə gedib. 2017-ci ildə ingilisdilli beynəlxalq məktəblərin birində 1-ci sinfə daxil olub. Bu məktəbi imtahan verib uğurla keçdiyi bir neçə məktəb arasından israrla özü seçib.

Məktəbdə də Xavərin ingilis dilində təhsili uğurla davam edir. Ən yaxşılar sırasındadır. Heyvanları, təbiəti çox sevir. Rəsm və balet dərnəyinə gedir. Maraq göstərdiyi bir çox sahələrə vaxt azlığından gedə bilmir. Dostlarına qarşı çox yumşaq, istiqanlıdır. Bölüşməyi, paylaşmayı sevir.

İlk dərs ilinin sonunda valideynləri Xavərə sonuncu tamaşası bitər-bitməz sürpriz ediblər. Belə ki onun yazdığı nağıllardan ibarət ilk kitabını çap etdirərək tamaşa sonu hədiyyə ediblər. Özü də onun yazdıqlarına heç bir düzəliş və əlavə etmədən. İstəyiblər ki, Xavər yazmağa davam etsə də, etməsə də, bu kitab onun bu dövründən gözəl bir xatirə olsun.

Versus.Az