"Hansısa beynəlxalq normaya aldadıcı məntiqlə istinad edən Ermənistanın..."

17:11 29-06-2018 | icon 128 | Qarabağ
"Hansısa beynəlxalq normaya aldadıcı məntiqlə istinad edən Ermənistanın..."

Ermənistan Xarici İşlər Nazirliyi Azərbaycanın hərbi təlimlərdən guya 42 gün əvvəl bu barədə Ermənistana xəbər verməli olduğuna dair bəyanat yaymaqla əslində Azərbaycanın işğal olunmuş torpaqlarını azad etmək marağında qətiyyən olmadığını və münaqişənin həllini uzatmağa çalışdığını bir daha nümayiş etdirir.

 

Versus.Az xəbər verir ki, bu barədə Trend-ə açıqlamasında "Bakı Xəbər" qəzetinin baş redaktoru Aydın Quliyev deyib.

Baş redaktor bildirib ki, Ermənistan XİN-in bu kontekstdə silanlanmaya nəzarət üzrə məlum beynəlxalq sənədlərə istinad etməsi aşkar təcavüz və işğalçılıq siyasətinə zahiri konstruktivlik donu geyindirmək cəhdindən başqa bir şey deyil:

 

"Azərbaycan hərbi təlimləri kimsənin torpaqlarına və sərhədlərinə toxunmadan özünün dünya birliyi tərəfindən tanınmış ərazilərində keçirdiyi üçün Ermənistanı xəbərdar etməyə borclu deyil. Silahlanmaya nəzarət üzrə qanuni Avropa normalarının pozulması sarıdan narahatlıq varsa, bu narahatlığın yeganə mənbəyi Ermənistanın öz siyasətidir. Ermənistanın Qarabağda qurduğu qanunsuz işğal rejimi nəinki silahlara beynəlxalq nəzarət mexanizmlərindən tam kənar zonaya çevrilib, həm də Qarabağın qanunsuz məskunlaşma, narkotrafik və terror təlimi düşərgələri üçün məkana çevrildiyini sübüt edən faktlar var. Azərbaycan hərbi təlimləri öz torpaqlarında keçirdiyi üçün Ermənistana öncədən heç bir xəbərdarlıq etməyə borclu deyil”.

 

Ekspert qeyd edib ki, Azərbaycandan “42 gün” normativini yanlış əsaslarla gözləyən Ermənistan düz 30 ildir təcavüz, etnik təmizləmə və işğal siyasəti aparır, Azərbaycan torpaqlarının qeyri-şərtsiz azad olunmasını tələb edən BMT Təhlükəsizlik Şurasının qətnamələrini, BMT baş katiblərinin hüquqi gücə malik bəyanatlarını, Helsinki Yekun Aktını və Minsk qrupu həmsədrlərinin bəyanatlarını nümayişkaranə şəkildə yerinə yetirmir:

 

"Hansısa beynəlxalq normaya aldadıcı məntiqlə istinad edən Ermənistanın başqa bir sıra göstərdiyimiz beynəlxalq sənədlərə aşkar hörmətsizlik etməsi sadəcə absurddur".

Xəbər lenti

InvestAZ

Ən çox oxunan xəbərlər

Bakıda möhtəşəm Şimali Kipr günü

Şanlıurfada Azərbaycan Bulvarı açılacaq

Millət vəkili İstanbulda "Ailə, dövlət və toplum"dan danışıb

Millət vəkili büdcə müzakirələri zamanı seçicilərin bir sıra problemlərini qaldırıb

"Sizin uğurunuza bütün cəmiyyətimiz sevinir"

Araşdırmaçı-yazar Sara Pourun iştirakı ilə "Uğurun açarı - Özgüvən"

“Mənə “müxalifət” deyilməsini qəbul eləmirəm” - MÜSAHİBƏ

17 noyabır bizə nə verdi?

“İndi özünü meydan lideri sayan çoxdur, amma faktiki olaraq biz iki nəfər idik”

Şimali Kipr Türk Cümhuriyyətinin 35-ci ildönümü Bakıda qeyd olundu

Müasir telemekanın mövzu özəlliyi: Gender aktuallığı

Bütün növ pensiyalar artırılacaq

21 yaşlı işıqçı Arifin göylərdə sönən işığı

Mahir Abbaszadəyə yüksək vəzifə verildi

“ZİMA” yenə balaca istedadları səsləyir