"Bu tarix hər birimiz üçün əlamətdardır"
"Mətbuatın əsasını qoymuş “Əkinçi” qəzetinin nəşri ilə əlaqədar olan bu tarix hər birimiz üçün əlamətdardır".
Versus.Az-ın məlumatına görə, bunu jurnalistlərə ünvanladığı təbrikdə Azərbaycan Liberal Demokrat Partiyasının (ALDP) sədri Fuad Əliyev bildirib. Təbrikdə deyilir:
"Hörmətli mətbuat işçiləri!
Milli Mətbuat günü münasibətilə bütün jurnalistləri və mətbuat-informasiya sistemində çalışan işçiləri təbrik edirəm. Bu şərəfli və son dərəcə məsuliyyət tələb edən işinizdə uğurlar arzulayıram. Mətbuatın əsasını qoymuş “Əkinçi” qəzetinin nəşri ilə əlaqədar olan bu tarix hər birimiz üçün əlamətdardır.
Hörmətli mətbuat işçiləri!
Azərbaycan Liberal Demokrat Partiyası olaraq sizin bizə olan diqqətinizi, o cümlədən bizimlə əməkdaşlığa verdiyiniz önəmi daim yüksək qiymətləndiririk.
Hormətli mətbuat işçiləri!
Sizi bir daha Milli Mətbuat günü münasibətilə təbrik edir, respublikamızda və onun ətrafında baş verən hadisələrin ictimaiyyətə çatdırılmasında, onların geniş analitik təhlil edilməsində, Azərbaycanda gedən demokratik dəyişikliklərin beynəlxalq aləmdə şərh edilməsində obyektivlik, prinsipiallıq, yüksək professionallıq və əsl vətəndaşlıq mövqeyi arzulayıram".
Xəbər lenti
Prezidentin Xankəndidə alovlandırdığı Novruz tonqalı ilə qoyulan NİDA
“Ölkə başçısının çıxışı Ermənistanı məğlubiyyət gerçəkliyi ilə üz-üzə qoydu”