"Əfsuslar ki, Emin mühacirətdə, Mehman isə həbsxanadadır"

"Emin bəy mühacirətdə, Mehman isə həbsxanadadır. Onlar analarının dəfnində iştirak edə bilmirlər".

Versus.Az xəbər verir ki, bu sözləri analarının dəfnində iştirak edə bilməyən qardaşların həbsindən təəssüflənən AXCP sədri Razi Nurullayev deyib:

Azərbaycan Xalq Cəbhəsi Partiyasının (AXCP) sədri Razi Nurullayev blogger Mehman Hüseynov və hazırda mühacirətdə olan Emin Hüseynova anası Firəngiz Heseynovanın ölümü ilə bağlı başsağlığı verib:

"Emin və Mehman Hüseynovların anası Firəngiz xanım haqq dünyasına qovuşub. Əfsuslar ki, Emin bəy mühacirətdə, Mehman isə həbsxanadadır və onlar analarının dəfnində iştirak edə bilmirlər. Emin və Mehman Hüseynovlara dərin hüznlə başsağlığı verirəm”.

AXCP sədri ümid etdiyimi bildirib ki, Emin və Mehman Hüseynovlara analarının yas mərasimində iştirak üçün lazımi şərait yaradılacaq:

“Analarının yasında iştirak etmək və onu son mənzilə yola salmaq onların haqqıdır. Allah rəhmət eləsin!"

SEVDA
Versus.Az