Akif Nağı sədrlik vəzifəsini İlham İsmayıla təhvil verib
Qarabağ Azadlıq Təşkilatının ofisində Qarabağ Komitəsinin növbəti toplantısı keçirilib.
Versus.Az-ın məlumatına görə, toplantıda 24 noyabr 2018-ci ildə keçirilməsi nəzərdə tutulan mitinq üçün Bakı şəhər icra hakimiyyətinə müraciət etmək məsələsi müzakirə olunub.
Uzun və gərgin keçən müzakirələr nəticəsində qərara alınıb ki, müzakirənin davamı yeni dönəm sədri ilə keçiriləcək gələn həftədəki toplantıda aparılsın və yekun qərar da o iclasda qəbul olunsun.
Bundan sonra Qarabağ Komitəsinin hazırkı dönəm sədri Akif Nağı iki aydır ki, yürütdüyü sədrlik vəzifəsini İlham İsmayıla təhvil verib. İlham İsmayıl dekabrın 18-nə kimi Qarabağ Komitəsinin dönəm sədri olaraq fəaliyyət göstərəcək. Qarabağ Komitəsinin üzvləri demokratik qaydada baş verən bu dəyişikliyi alqışlayıblar. Komitə üzvləri indiyə qədər göstərdiyi səmimi fəaliyyətə görə Akif Nağıya təşəkkür ediblər.
İlham İsmayılın sədrliyi ilə davam edən toplantıda digər cari məsələlər müzakirə edilib. Qərara gəlinib ki, “Dəstək Komitələri” ilə bağlı təlimat və Qarabağ Komitəsinin mitinq keçirilməsi ilə bağlı müzakirəsi gələn həftə keçiriləcək iclasda davam etdirilsin və lazım olan qərarlar alınsın.
Xəbər lenti
Onlar 5 il daha tez pensiyaya çıxa biləcəklər
Uşağın kişinin himayəsində olduğu və növbəti ailə qurduğu halda...