Qurban Məmmədov İqbal Ağazadənin iradını qəbul etdi
Tamilla Qulami: "Əslində siyasətçilərimiz bu cür incə və yumşaq diplomatiya yoluyla bir-birilərinə müsbət mənada təsir göstərməyi bacarsalar..."
"AzerFreedom" internet kanalının canlı yayım debatında Ümid Partiyasının sədri İqbal Ağazadənin tövsiyyəsindən sonra blogger-siyasətçi Qurban Məmmədov onun təklifini nəzərə alaraq, yayım plakatında çox mühüm bir dəyişiklik edib, "Rədd ol!" sözünü plakatdan götürüb.
Versus.Az-ın məlumatına görə, bu barədə Ümid Partiyasının sədr müavini Tamilla Qulami sosial mediada bildirib:
"Xatırladıram ki, İqbal bəy iqtidara qarşı bu cür zorakı, kobud, nifrət ruhunda çağırışlarla mübarizə aparmağın doğru olmadığını və səmərə verməyəcəyini bildirmişdi. Qurban Məmmədov da hər nə qədər radikal ovqata köklənsə də, həmin an İqbal Ağazadənin bu iradını qəbul etdi. Söz verdi ki, plakatda dəyişiklik edəcək və sözünün üstündə də durdu".
Sədr müavininin fikrincə, iqtidarla müxalifət arasında mübarizə sivilləşərsə, bundan hər iki tərəf udacaq. Ən çox udan tərəf isə məhz cəmiyyət olacaq:
"Əslində siyasətçilərimiz bu cür incə və yumşaq diplomatiya yoluyla bir-birilərinə müsbət mənada təsir göstərməyi bacarsalar, o zaman Azərbaycan siyasəti də qladiator döyüşlərinə bənzəməkdən xilas olar".
LƏMAN
Versus.Az
Xəbər lenti
Klipi üçün 10 kilo çəki atdı
Pərviz Mahmudov "Vurulmuşam" dedi