“Seçki ilə bağlı siyasi partiyalarda aktivlik yoxdur”

“Xüsusi hazırlığa ehtiyac yoxdur. Formal seçkilərə, formal hazırlaşırıq”.

Bunu Versus.Az-a ADP sədri Sərdar Cəlaloğlu  partiyasının seçki hazırlığı ilə bağlı açıqlamasında bildirib. ADP sədri indiki ictimai-siyasi şərtlərə görə seçki ilə bağlı ciddi proqramlarının olmadığını deyib:

“Amma ənənəvi olaraq seçki ilə bağlı müəyyən işlər görülür. Ötən illərin təcrübəsinə uyğun olaraq hərəkət edəcəyik. Yəni imza toplanacaq,  müxalifətlə birgə seçkilərə gedəcəyiksə, vahid namizəd dəstəklənəcək,  ayrı gediləcəksə sadəcə partiya olaraq iştirak edəcəyik”.

S.Cəlaloğlu bildirib ki, hazırda seçki ilə bağlı siyasi partiyalarda, o cümlədən müxalifətdə aktivlik yoxdur:

“İqtidarla müxalifət bir-biri ilə vəhdətdə olan iki siyasi gücdür.  İqtidarda seçki ilə bağlı aktivlik yoxdursa, müxalifətdən nə gözləyirsiz. Dünyanın güclü dövlətlərinin güclü müxalifəti, zəif dövlətlərinin isə zəif müxalifəti olur. Hakimiyyət müxalifəti sıradan çıxarmaqla əslində özünü zəiflədib”.

Ləman
Versus.Az