VİP may ayından strat verəcək
“Partiya seçkilərə hazırlığa cari fəaliyyətin tərkib hissəsi kimi baxır. Biz artıq ilin yekunlarına dair tədbir keçirib fəaliyyət proqramımızı təsdiq etmişik. Seçki ilə bağlı görüləcək işlərin siyahısı müəyyənləşib və rayon təşkilatlarına bir sıra tapşırıqlar verilib. Hələlik “mətbəxdə” seçki ilə bağlı şüar və tezislərin hazırlanmasına dair fəaliyyət durur. Eləcə də, bukletlərin, şəkillərin hazırlanması, təbliğat aksesuarlarının düşünülməsi ilə bağlı işlər iyun ayının sonlarına qədər yekunlaşmalıdır. Qrafika əsasən, bütün işlərə may ayından strat veriləcək”.
Bunu Versus.Az-a Vətəndaş və İnkişaf Partiyasının (VİP) sədri Əli Əliyev MSK-da seçki hazırlığına rəsmi startın verilməsindən sonra partiyada nəzərdə tutulan işlərlə bağlı açıqlamasında bildirib. Partiya sədri qeyd edib ki, bu prosesdə ilk olaraq imzası toplanacaq şəxslərin siyahısı hazırlanacaq. Burada rayon və dairə təşkilatlarında imza toplayacaq şəxslərin 2013-cü il təcrübəsindən istifadə ediləcək:
“Artıq havalar istiləşməyə başlayanda rayon təşkilatları ilə görüşlər keçirib, həmin adamların təlimatlandırılmasına yenidən baxacağıq. Bu, gələcəkdə imzatoplama kompaniyasının düzgün, səhvsiz keçirilməsinə şərait yaradacaq”.
Ə.Əliyev seçki hazırlıqlarında seçki kompaniyasının təbliğatı işlərinin düzgün aparılmasını da vacib sayıb. Bildirib ki, bunun üçün kompaniyanın şüarı, platforması və tezisləri müəyyən edilməlidir. Bildirilib ki, hələlik hakimiyyət düşərgəsində qeyri- müəyyənlik olduğu üçün bu məsələdə konkretlik yoxdur:
“Seçki kompaniyamızın şüarı haqqında bir neçə təklif var. Seçim hakim partiyada kimin namizəd olacağından və dövrün xarakterindən asılı olacaq. Bu baxımdan kompaniyanın tezisləri dəyişikliyə məruz qala billər”.
Ləman
Versus.Az
Xəbər lenti
Zəngilan, Cəbrayıl və Qubadlı sakinlərinə ŞAD XƏBƏR
Bu il Zəngilan sakinləri öz evlərinə köçəcəklər