MMP seçkilərə hazırlıqla bağlı start götürüb
“Namizədliyimi irəli sürmüşəm. Ölkədə pozucu qüvvələrin hakimiyyətə gəlməsinə imkan verməyəcəm”.
Versus.Az xəbər verir ki, bunu prezident seçkilərinə hazırlıqla bağlı Müasir Müsavat Partiyasının sədri Hafiz Hacıyev deyib. Partiya sədri seçki qərargahının yaradıldığını, rayon təşkilatları ilə mütəmadi görüşlər keçirildiyini vurğulayıb.
Qeyd edək ki, sosial şəbəkələrdə səsvermə keçirən səhifələrdə göstərilən nəticələr MMP-də birmənalı qarşılanmayıb. H.Hacıyev hesab edir ki, müəyyən insanlar saxta profillər yaradaraq məqsədli şəkildə status yazıb, elə özləri də özlərinin maraqlarına uyğun rəy verirlər:
“Hələ bir sayt var idi, orada da belə səsvermə keçirilirdi. Birinci yeri götürüb mənə vermişdilər. Maraqları, məqsədləri aydındır. Hər halda Azərbaycan xalqı öz sözünü deyəcək”.
Partiya sədri vurğulayıb ki, hakimiyyətə kim gələcəksə, Dağlıq Qarabağ məsələsi onun üçün birinci yerdə olmalıdır və iqtisadiyyatı gücləndirməlidir:
“Müəyyən nöqsanlara baxmayaraq, demokratik cəmiyyətdə yaşayırıq. Kimsə bizə gətirib nimçədə prezidentlik verməyəcək. Biz gərək mübarizə aparaq, xalqımızı inandıraq. Mənim qardaşım prezident İlham Əliyev də namizədliyini irəli sürüb. Hər halda iki qardaşdan biri seçiləcək, bu, reallıqdır”.
Ləman
Versus.Az
Xəbər lenti
Zəngilan, Cəbrayıl və Qubadlı sakinlərinə ŞAD XƏBƏR
Bu il Zəngilan sakinləri öz evlərinə köçəcəklər