Partiya sədrləri dövlət bayrağı günü ərəfəsində görüşdülər

Azərbaycan Liberal Demokrat Partiyasının (ALDP) sədri Fuad Əliyev Azərbaycan dövlət bayrağının təsdiq edilməsinin 100 illiyilə bağlı çağdaş Milli Azadlıq Hərəkatının liderlərindən biri, Bakı və Kəndlər Birliyinin qurucusu və ilk sədri, Xalq Hərəkatı Partiyasının lideri Nəsir Ağayevlə görüşüb.

Versus.Az xəbər verir ki, ALDP sədri Dövlət bayrağı günü münasibətilə Nəsir Ağayevi tədbrik edib. Bildirib ki, "Gənc nəsil sizin kimi mübarizləri örnək seçməlidir”.

Partiya sədri 09 noyabr 1918-ci ildə ADR ilk baş nazir Fətali xan Xoyskinin Milli bayraq haqqında imzaladığı qərarın sürətini simvolik olaraq Nəsir Ağayevə təqdim edib.

Nəsir Ağayev ALDP sədrinə öz minnətdarlığını bildirərək, Azərbaycanın müstəqilliyi, Azərbaycan bayrağının yenidən dalğalanması və azadlığı uğrunda fəaliyyətindən qısa xatırlatma edib. Bildirib ki, dövlət bayrağını yüksəltmək, onu qorumaq, ona sədaqət nümayiş etdirmək hər bir azərbaycanlının borcudur:

"Bayraq dövlət atributlarından biri sayılır. Üç rəngli və müqəddəs saydığımız bayraq hər birimizin başımız üstündə olmalıdır. Bu bayraq, dövlət və dövlətçiliyimizin, müstəqilliyimizin qorunması uğrunda minlərlə şəhid vermişik. Dövlət atributlarımıza hörmət şəhid ruhuna hörmət deməkdir".