Qənirə Paşayeva və Arzu Bağırova mükafata layiq görülüblər
Millət vəkili Qənirə Paşayeva və Regional Hüquqi və İqtisadi Maarifləndirmə İctimai Birliyinin sədri Arzu Bağırova Türkiyənin paytaxtı Ankarada bu il doqquzuncusu keçirilən "Beynəlxalq Buxara Media Mükafatları" (Uluslararası Buhara Medya Ödülleri) mərasimində mükafata layiq görülüblər.
Versus.Az xəbər verir ki, Qənirə Paşayeva Türk dünyasının birliyi istiqamətində fəaliyyətinə görə "Türk dünyası mədəniyyətinə xidmət mükafatı" (Türk Dünyası Kültür Hizmet Ödülü) ilə təltif edilib. Azərbaycanlı deputata mükafatı Türkiyənin Daxili işlər naziri Süleyman Soylu təqdim edib.
Millət vəkili mərasimdə çıxışı zamanı mükafatı vətən üçün canını fəda edən qəhrəman şəhidlər adına aldığını bildirib.
Regional Hüquqi və İqtisadi Maarifləndirmə İctimai Birliyinin sədri Arzu Bağırova isə İlin Sosial Sorumluluk Layihəsinə görə təltif edilib.
Qeyd edək ki, Türkiyənin "Buhara Media Qrupu" tərəfindən təşkil edilən "Uluslararası Buhara Medya Ödülleri' bu il 40 nominasiya üzrə təqdim edilib.
Xəbər lenti
Daha bir bank BAĞLANIR
Depozitlərin və kreditlər portfelinin azalması da...