Mükafatın təqdimatı açıq havada keçiriləcək
866 |
Mədəniyyət
Koronavirus pandemiyası ilə bağlı vəziyyətin pisləşməsinə görə bu il 73 -cü “Emmy” mükafatlarının təqdimetmə mərasimi qismən açıq havada keçiriləcək.
Bu barədə “Deadline” xəbər verib.
Portalın məlumatına görə, mərasimin təşkilatçıları qonaqların sosial məsafəyə uyğun oturmasının təmini üçün Los-Ancelesdəki “Microsoft” Teatrının arxasında əlavə bir meydandan istifadə etmək qərarına gəliblər.
Bundan əvvəl mərasimin təşkilatçıları “qırmızı xalı”da qonaqların sayını məhdudlaşdırmaq niyyətlərini açıqlamışdılar. Belə ki, mükafatlandırma mərasimində hər bir layihənin komandasını ən çoxu dörd nəfər təmsil edə bilər.
Xatırladaq ki, keçən il “Emmy” mükafatlarının təqdimetmə mərasiminin yayımı izləyicilərin sayına görə televiziya reytinqləri tarixində antirekord qazanmışdı.
Xəbər lenti
“İran üçün bunu etməyə hazırıq”
"Onların həyat və sağlamlıqları təhlükədə deyil”
