Partiya sədri: “Onlar elə xaricdə də çürüyüb öləsidirlər”
Facebook sosial şəbəkəsində yer alan və daha çox Azərbaycan hakimiyyətini hədəf kimi seçən “Made in Azerbaijan” səhifəsi növbəti dəfə Müasir Müsavat Partiyasının sədri Hafiz Hacıyevin adından dövlətə qarşı təhqiredici, ölkə prezidentini ittihamedici yazı dərc edib.
Versus.Az-ın məlumatına görə, bu barədə partiyanın sədri CNNBaku-ya danışıb. Hafiz Hacıyev adıçəkilən səhifənin havadarları və icraçılarına sərt cavab verib.
“Bu insanların əsas məqsədi əziz qardaşım İlham Əliyevlə mənim aramı vurmağa hesablanıb. Bugünki Azərbaycan müxalifəti gələcək prezident seçkilərində əsas rəqiblərdən biri kimi məhz məni gördükləri üçün çalışırlar suyu bulandırsınlar. Bu mümkün olan söhbət deyil. Biz iki qardaş nə lazımdırsa Azərbaycan xalqı üçün eləmişik və edəcəyik də! Əlilərin övladları, Aslanların yarı ermənidən olan, yarı kimdənsə olan uşaqları avropada oturub Hafiz Hacıyevlə İlham Əliyevin arasına girə bilməzlər. Dırnaqla ətin arasına girmək mümkün deyil!”
Hafiz Hacıyev deyib ki, ona və cənab prezidentə qarşı anti-kampaniya aparanların başında son illər adı erməniləri müdafiə etməkdə hallandırılan Aslan İsmayılov durur.
“Mənim qardaşıma qarşı çox aqressivdilər. Onlar elə xaricdə də çürüyüb öləsidirlər. Elə “cındır”ları biz Azərbaycana buraxası deyilik. Bizim dədəmiz Heydər Əliyev Azərbaycan xalqı üçün bu füsunkar dövləti, abadlığı, sabitliyi qoyub gedib. Bəzi gədə-güdələr bizi yolumuzdan döndərə bilməz. Artıq Aslan İsmayılovun özü yazır ki, vay, Hafiz Hacıyev prezident olsa bu birilərin (müxalifətin) günü qara gələcəkdir. Bunlar da belə çalışır ki, su bulandırmalar olsun. Biz safıq! Ona görə də onların yazdıqlarına heç kəs inanmır! Bu gün bu yazını yazan və yazdıranlar ermənilərə işləyən “cındır” dığalardır”!
CNNBaku qeyd edir ki, daxil olan informasiyaya görə, Facebookda Aslan İsmayılov və işçilərinin xeyli sayda saxta profil hesabı var və bu hesablar vasitəsilə onlar durmadan dövləti və dövlət rəsmilərini müxtəlif səhifələrdə təhqir edirlər!
Xəbər lenti
Bu qadınlar pensiyaya tez ÇIXACAQLAR
Həqiqətən övladlığa və qəyyumluğa götürülməyə ehtiyacı olan...