"Ölkə əhalisinin sayı indikindən qat-qat aşağıdır"
Ermənistanda keçirilən növbədənkənar parlament seçkilərində cəmi 48,63 faiz seçici səs verib. Səbəb isə birdir: siyahıdakı 2,6 milyon seçicinin böyük əksəriyyəri ölkədə yoxdur.
Versus.Az-ın məlumatına görə, bunu Milli Məclisin deputatı Aydın Mirzəzadə deyib. Millət vəkili bildirib ki, səs verən insanların əksəriyyəti yaşlılardır:
“Əvvəlki hakimiyyətlərin "böyük Ermənistan" siyasəti əhalinin normal yaşayış üçün bütün dünya boyunca səpələnməsinə səbəb olub. Ölkədə yaşayan əhalinin sayı obyektiv hesablansa, indikindən qat-qat aşağı rəqəm alınar. Ermənistanda olanlar da burada məcburiyyətdən qalıblar və hakimiyyətə inamları yoxdur”.
A.Mirzəzadə qeyd edib ki, seçkilərin antidemokratik və qeyri-şəffaf şəkildə keçirilməsi də açıq-aydın ortadadır:
"Azərbaycana qarşı işğal siyasəti ilk növbədə Ermənistanın özünə faciə yaşadır və yaşadacaq".
Xəbər lenti
İstanbulda torpaq sürüşməsi
Yüzə yaxın şəxs təxliyə edildi