Qarabağ Forumunun keçirilməsi barədə qərar qəbul edilib
“Hakimiyyətin indiki böhranlı vəziyyətdən çıxış üçün heç bir proqramı yoxdur”.
Versus.Az-ın məlumatına görə, bu fikirlər noyabrın 22-də Klassik Xalq Cəbhəsi Partiyasının (KXCP) qərargahında Siyasi Partiyaların Əməkdaşlıq Mərkəzinin növbəti yığıncağında səsləndirilib.
KXCP sədri Mirmahmud Mirəlioğlu, Azadlıq Partiyasının sədri Əhməd Oruc, Aydınlar Partiyasının sədri Qulamhüseyn Əlibəyli, BAP sədri Elşad Musayev, Liberal Demokrat Partiyasının sədri Fuad Əliyevin iştirak etdikləri yığıncaqda Qarabağ problemi ətrafındakı kritik gəlişmələri nəzərə alan Əməkdaşlıq Mərkəzi növbəti Qarabağ Forumunun keçirilməsi barədə qərar qəbul edib.
Yığıncaqda eyni zamanda hökumətin yürütdüyü iqtisadi siyasət və 2018-ci ilin büdcə müzakirələri hakimiyyətin indiki böhranlı vəziyyətdən çıxış üçün heç bir proqramının olmadığını üzə çıxardığı bir daha qeyd olunub.
Əməkdaşlıq Mərkəzi müxalifətdaxili inteqrasiya cəhdlərini pozitiv qiymətləndirib və bu istiqamətdə əməkdaşlığa hazır olduğunu bildirib.
Bundan başqa ölkədəki içtimai-siyasi vəziyyət, gündəmin digər aktual məsələləri müzakirə olunub.
İlahə
Versus.Az
Xəbər lenti
Yenidən qurulan Qarabağdan son GÖRÜNTÜLƏR
Yaşayış binaları tikilir, bərpa-quruculuq işləri aparılır