Müasir Müsavat Partiyası Bakı şəhər Xətai rayonunda yerləşən Respublika Narkoloji Mərkəzində baş verən yanğınla bağlı bəyanat qəbul edib.
Partiya baş verən yanğın nəticəsində 25 nəfərə insanın həlak olmasından dərin sarsıntı keçirdiyini ifadə edir, baş vermiş hadisə nəticəsində həlak olanların doğmalarına və yaxınlarına dərin hüznlə başsağlığı verir.
MMP faciəli hadisənin seçki ərəfəsində baş verməsindən narahatlığını ifadə edib. Bu səbəbdən də partiya faciəli hadisənin obyektiv şəkildə araşdırılmasının tərəfdarı olduğunu qeyd edib və hüquq mühafizə orqanlarını baş verən yanğının səbəblərinin ətraflı təhqiq edilməsi, günahkar şəxslərin qanun qarşısında məsuliyyətə cəlb olunması istiqamətində təcili və təxirəsalınmaz tədbirlər görməyə və bu barədə xalqa ətraflı məlumat verməyə çağırıb.