Şou-biznesin simicləri

16:15 19-02-2019 | 626 | Şou-biznes

Versus.Az "X maqazin"ə istinadla şou-biznes nümayəndələri arasında aparılan maraqlı sorğunu təqdim edir. Onlar məşhurlarda "Müğənnilər arasında ən simic ulduz kimdir" sualını ünvanlayıb.

Fatimə Fətəliyeva ən simic ifaçının Rüfət Axundov olduğunu deyib:

"Yaxşı başı var, ondan öyrənmək lazımdır".

Murad Arifin fikrincə ən simic müğənni toyu çox olandır:

"Kim Allahın hər günü toylardadır, illərnən oxuyur yığır, nə klip çəkdirir, nə təzə mahnı yazdırır, nə də konsert verir simicdilər. Ən yaxşı halda maşın dəyişərlər".

Mənzurə Musayeva isə Əlikram Bayramov, Zakir Əliyev, Səyyad Əlizadənin pul xərcləməyi sevmədiyini söyləyib.

Tarix Əliyev (Tolik) isə Rüfət Axundovun və muğam ifaçılarının pul xərcləmədiyini söyləyib. O, Mənzurə Musayevanın da simiclər siyahısında yer aldığını deyib.

Yaşar Yusub isə prodüseri Anar Mədətovu simic adlandırıb.

Ədalət Şükürov isə özü və Xəyyam Nisanovu simic müğənni adlandırıb.

Xuraman Şuşalı isə simic, pulunun qədrini bilən özünün olduğunu bildirib.

Mətanət İsgəndərli isə Teymur Əmrahı simic adlandırıb.