Elektron siqaret çəkənlərin sidiyində uran və qurğuşun TAPILDI

Araşdırmaya görə, gün ərzində müntəzəm olaraq elektron siqaret çəkən gənclər bədənlərini potensial zəhərli metallara məruz qoyurlar.

Versus.az TRT-yə istinadən xəbər verir ki, ABŞ-ın Nebraska Universitetinin alimləri elektron siqaretin gənclərə təsirini araşdıran araşdırma aparıblar.

Gündə ən az 8 dəfə elektron siqaret istifadə etdiyini bildirən 13-17 yaş arası gənclərin cəlb olunduğu araşdırma nəticəsində müəyyən edilib ki, müntəzəm istifadəçilərin sidiklərində adi siqaret çəkənlərə nisbətən 30 faiz daha çox qurğuşun və 2 dəfə çox uran var.

Araşdırmada heç vaxt elektron siqaret istifadə etməyən gənclərdən ibarət kontrol qrupu yoxdur, lakin ABŞ nümunəsində siqaretdən imtina edən 200 elektron siqaret istifadəçisinin nümunəsi vəziyyətin narahatlıq doğurduğunu ortaya qoyur.

Uran biomarkerləri xüsusilə mentol və ya nanə əvəzinə veypə üstünlük verən gənclər arasında yüksəkdir. İctimai sağlamlıq nöqteyi-nəzərindən tədqiqatçılar elektron siqaretlərin potensial toksikliyi ilə bağlı daha çox araşdırma aparmağı müdafiə edirlər.