"Siyasi məhbusların azadlığa buraxılması vacibdir"
569 |
Siyasət
"Mən bir Azərbaycan vətəndaşı, ictimai təşkilat rəhbəri, bir tədqiqatçı-hüquqşünas kimi hesab edirəm ki, dövlət rəhbərliyi ilin əvvəlindən xalqa və cəmiyyətə qarşı apardığı mütərəqqi açılımın əsaslı, xoşməramlı motivli olduğunu göstərmək üçün ümummilli Novruz Bayramı ərəfəsində siyasi hesab edilən məhbusları azad etməklə mühüm addım atmış olardı".
Versus.Az xəbər verir ki, bunu sosial mediadakı açıqlamasında tədqiqatçı-hüquqşünas İlqar Altay bildirib.
İ.Altay vurğulayıb ki, belə bir qərar, ölkədəki siyasi və ictimai gərginliyin tam azalmasına da, sabitliyin möhkəmlənməsinə də, bu haqq-ədalət fonunda hakimiyyət-vətəndaş cəmiyyəti münasibətlərinə və həm xalqın birliyinə dövlətçiliyə xeyirli olardı:
"Novruz Bayramına az qalıb, belə böyük əfv qərarı üçün öncədən inzibati, hüquqi və sair prosedur, hazırlıq aparılıbmı bilmirəm. Amma əgər artıq bu gecdirsə və ya, bir qisim azadlığaburaxılma olacaqsa, ümid və arzu edək ki, böyük əvf və ya amnistiya qarşıdakı may ayında, Cümhuriyyətin ildönümündə baş versin. Hesab edirəm ki, bu, ölkənin və cəmiyyətin inkişafı üçün xeyirli və vacibdır".
Versus.Az
Xəbər lenti
Qərbi Azərbaycan İcmasından ABŞ Dövlət Departamentinə CAVAB
"Ermənistandan qovulmuş azərbaycanlıların qayıdış hüququna hörmət etməyə çağırırıq"
