"Velosiped sür, Hərəkətə sən də qoşul" layihəsi başa çatıb
Tezliklə "İDMAN DƏRSİ-VELOSİPEDLƏ" adlı yeni, maraqlı layihəyə start veriləcək
Respublika Olimpiya Velosiped Məktəbinin direktoru Faiq Qurbanovun Versus.az-a verdiyi məlumata görə, “Velosiped sür, Hərəkətə sən də qoşul layihəsi” başa çatıb.
90 günlük aktivlik kampaniyası çərçivəsində Respublika Olimpiya Velosiped Məktəbinin təşkilatçılığı Azərbaycan Velosiped İdmanı Federasiyası, "Gənc Velosipedçilər" İctimai Birliyi və Əlil Velosipedçilər Klubunun dəstəyilə Bakı şəhərində yerləşən lisey və orta təhsil müəssisələrinin şagirdləri arasında velosiped idmanına marağı daha da artırmaq üçün «Velosiped idmanının sağlamlıqda rolu və ondan istifadə qaydaları» mövzusunda seminar-təlimlərin keçirilməsilə təblığat və təşviqat işləri aparılıb.
Faiq Qurbanovun sözlərinə görə, layihənin əsas məqsədi tələbə, şagird və valdeynlərin arasında təbliğat və təşviqat işləri aparmaqla kütləviliyi artırmaq və məktəbə yeni-yeni idmançıların cəlb edilməsi idi.
Respublika Olimpiya Velosiped Məktəbinin direktoru Faiq Qurbanov sözügedən layihənin həyata keçməsində əməyi olan hər kəsə, xüsusilə, Bakı şəhər Təhsil İdarəsinə, məktəb direktorları və müəllimlərə dərin təşəkkürünü bildirib.
Əlavə edib ki, tezliklə "İDMAN DƏRSİ-VELOSİPEDLƏ" adlı yeni, maraqlı layihəyə start veriləcək.
Aganisə Sultanova
Versus.Az
Xəbər lenti
Leyli yazdı, Hakan bəstələdi, "Camdakı Kız"ın ulduzu oxudu
"O nerden bilsin?" üçün bir araya gəldilər