"Milli Qəhrəmanlarımızı tanıyaq və tanıtdıraq" layihəsinin qalibləri

Martın 31-də Neftçala şəhər 1 saylı tam orta məktəbdə Gənclər Fondunun dəstəklədiyi "Milli Qəhrəmanlarımızı tanıyaq və tanıtdıraq" layihəsi üzrə tədbir keçirilib.

Versus.Az-ın məlumatına görə, tədbirdə martın 24-də həmin məktəbdə keçirilən inşa müsabiqəsinin qalibləri mükafatlandırılıb.

Layihənin rəhbəri, Milli Azərbaycan Tarixi Muzeyinin əməkdaşı Gülnar Fərhadova, layihənin eksperti, t.ü.f.d. Əli Fərhadov, Neftçala ziyalıları, müəllimlər, məktəblilər, həmçinin Milli Qəhrəman Samid İmanovun atası Gülağa İmanov da iştirak və çıxış edib.

İnşa müsabiqəsində I yerə "Muğan" liseyinin X sinif şagirdi Leyla Həsənzadə, II yerə 4 saylı tam orta məktəbin IX sinif şagirdi Şükufə Nuriyeva, III yerə isə iki nəfər - 1 saylı tam orta məktəbin IX sinif şagirdi Rəvanə Xankişiyeva və "Muğan" liseyinin şagirdi Zinyət Musayeva layiq görülüblər.

Qaliblər təşəkkürnamə və pul mükafatı ilə təltif ediliblər.

Tədbir məktəblilərin şəhidlərimizə həsr etdikləri bədii hissə ilə davamedib.

Ayəndə Dadaşova
Versus.Az