Fərqli 1 il...

15:28 10-04-2019 | icon 661 | Köşə
Fərqli 1 il...

ELMAN BABAYEV yazır

 

 

Ötən ilin 11 aprelində xalqın etimadını qazanaraq yenidən dövlәt başçısı seçilmiş İlham Әliyev prezidentlik dönəminin ötən 1 ilini tamamilə fərqli bir ilə çevirə bildi. O, 15 ildən artıq prezidentlik dönəminin, xalqın alternativsiz Heydər Əliyev siyasətinə inamının arxayınlığına qapılmadı, tam əksinə bu bir ili yeni hakimiyyətə gəlmiş qüvvə kimi daha səylə çalışdı.

 

İlham Əliyev öz hakimiyyətinin müxalifətinə çevrilməklə çatışmazlıqların üzərinə getməyi bacardı, xalqı narahat edən bir sıra problemləri kökündən çözməyə nail oldu. İslahatları yeni dövrün tәlәblәri sәviyyәsindә davam etdirdi, verilən vədlər әmәli işlərlə tamamlandı. İnsanlara yüksәk qayğı prinsipinә әsaslanan sosialyönümlu siyasәt strategiyasına yeni çalarlar əlavə olundu.Aztәminatlı tәbәqәnin maraqları mütlәq şəkildə nәzәrә alındı vә ölkәmizin daha da inkişafı üçün atılan hәr bir addımın bu tәbәqәnin maraqlarına vura bilәcәyi ən xırda ziyan belә, tәxirәsalınmaz sosial müdafiә tәdbirlәri hesabına kompensasiya olundu.
 

Nə işsizliyin, nə yoxsulluğun artmasına, nə də inflyasiyanın yüksəlməsinə imkan verildi. İlham Əliyev neft gəlirlərinin azalması fonunda Azərbaycanın ciddi çətinliklərlə üzləşəcəyi proqnozlarını da alt-üst etdi. Sübuta yetirdi ki, neft amili olmadan da özünün düzgün iqtisadi siyasəti hesabına əhalinin sosial rifahını daha da yaxşılaşdırmaq, onun problemlərini həll etmək gücündədir.  İqtisadi və sosial islahatların yeni mərhələsinə start verərək, əldə olunan vəsaitləri vətəndaşların rifah halının yaxşılaşmasına yönəltdi. Şəhid vərəsələrinə birdəfəlik müavinətlərin verilməsi, problemli kreditlərin həlli kimi məsələlər öz həllinə qovuşdu.Minimum əməkhaqqı, minimum pensiya təxminən 40 faiz, sosial müavinətlər orta hesabla 2 dəfə artdı. Şəhid ailələrinə, Qarabağ müharibəsi əlillərinə, məcburi köçkünlərə verilən müavinətlər, tələbələrin təqaüdlərində artımlara imza atdı. Müəyyən kateqoriyaların (məcburi köçkünlər, şəhid ailələri, Qarabağ müharibəsi əlilləri) dövlət hesabına mənzillərlə təminatı işi axsamadı, əksinə daha da genişləndirildi. Gənc ailələrin, evsiz insanların mənzil ala bilməsi üçün sosial mənzillərin tikintisi və güzəştli ipoteka proqramı davam etdirildi.

Bir sözlə, hər hansı layihə təxirə salınmadan yeniliklər həyata vəsiqə qazandı. Hərbi xərclərlə bağlı siyasət,  regionların inkişafı ilə bağlı proqramlar geriləmədi. Nəticədə İlham Əliyev Azərbaycanın öz resursları, iqtisadi rezervləri bahasına istənilən sınaqdan cıxmaq  gücündə olduğunu isbatladı. Bu bir ildə İlham Əliyev prezident kimi sadə vətəndaşa əlçatan olması ilə də  yadda qaldı. Vətəndaşın ona şikayət, müraciət, xahiş  etmək imkanlarını genişləndirdi. Sosial şəbəkələri yaxından izləməklə, orada qaldırılan bir sıra problemlərin həllinə göstərişlər verdi. Bəzi hallarda əhali ilə əvvəlcədən planlaşdırılmayan görüşlərə şərait yaratdı, onların şikayətlərini səbrlə dinlədi. Hökumət üzvərinin illərdir, bölgələrdə vətəndaşları qəbul etmək tapşırığının davamı olaraq, Prezident Adminstrasiyasının əməkdaşlarını da yerlərdə vətəndaş qəbullarına cəlb etdi.

 

Beləliklə, son 1 ilin sosial-iqtisadi yekunlarının tәhlili göstәrir ki, İham Әliyev sәlahiyyәtlәrinin icrasına başladığı ilk gündәn ölkәnin qarşısında duran problemlәri vә onların hәlli yollarını düzgün müәyyәnlәşdirə, bu yöndә әmәli tәdbirlәr hәyata keçirə bildi. Azәrbaycanın regionda böyük nüfuz sahibi kimi mövqelərinin qorunması, qlobal enerji vә kommunikasiya layihәlәrinin ardıcıl surәtdә hәyata keçirilmәsi, xarici investisiyaların cəlb olunması, ölkәdә azad sahibkarlıq vә biznes mühitinin formalaşdırılması kimi vacib mәqamlar da İham Әliyevin ötən 1 ildə həyata keçirdiyi siyasәtinin prioritet istiqamәtlәri sırasında yer aldı. Vәtәndaş sülhünün, milli hәmrәyliyin qorunub saxlanılması, ölkәnin beynәlxalq arenada nüfuz vә mövqelәrinin möhkәmlәnmәsi, ictimai hәyatın bütün sahәlәrindә yeni dövrün tәlәblәrinә uyğun islahatların aparılması siyasəti daha da inkişaf etdirildi. 

 

1 ildə cəmiyyət İlham Əliyev hakimiyyətinin digər uğurlarına da şahidlik etdi. Xəzər dənizinin hüquqi statusu haqqında Konvensiya imzalandı; Azərbaycanın üçüncü peyki "Azerspace-2” orbitə buraxıldı;  TANAP qaz kəməri istifadəyə verildi; Cənub Qaz Dəhlizinin rəsmi açılış mərasimi keçirildi və s. Dünya Bankı kimi nüfuzlu qurum "Doing Business 2019” hesabatında Azərbaycanı 10 ən islahatçı dövlət siyahısına daxil edərək, ən çox islahat aparan ölkə elan etdi. Bu bir il İlham Әliyevin rәhbәrliyi ilә Azәrbaycanın mövcud baza әsasında sürәtlә inkişaf edәn iqtisadiyyata malik ölkәyә çevrildiyini sübuta yetirdi. İqtisadi inkişafın bilavasitә әhalinin sosial müdafiәsindә әks olunması konsepsiyasının müddәaları uğurla hәyata keçirildi. İqtisadi nailiyyәtlәr insanların maddi rifah halının yüksәlmәsinә sәbәb oldu. Azərbaycan iqtisadi, siyasi cəhətdən tam müstəqil ölkə olaraq qaldı, heç kimdən asılı vəziyyətə düşmədi. İlham Əliyevin "Biz yeni iqtisadi modelə keçid edəcəyik, bütün sosial məsələlərin həllinə çalışacağıq” vədi həyata vəsiqə qazandı.  Bunun nəticəsidir ki, indi cəmiyyətdə yaxın gələcəkdə digər problemlərin də tam cözüləcəyinə güclü inam var. İqtisadi, sosial sahələrdə, məhkəmə-hüquq, dövlət orqanları sahələrində bütün xoşagəlməz hallara son qoyulması üçün yeni islahatlara başlanılıb. 

 

İlham Əliyev şəffaflığın tam təmin olunacağı bir Azərbaycan qurmaq üçün çalışdığını öz əməlləri ilə sübut etməkdədir. Əsas məqsədi həm də quruculuq, rifah, abadlıq, inkişaf olan İlham Əliyevin alternativsizliyini ölkә vәtәndaşları da birmәnalı başa düşür vә bu siyasətin davamlı olmasına dəstək verirlər. 
 
Versus.Az

Xəbər lenti

InvestAZ

Ən çox oxunan xəbərlər

Əfəndilər, Yardımlı da Azərbaycandır

Röyanın Moskva konserti təxirə salındı - SƏBƏB?

Moskvadakı dəhşətli terrorda ölənlərin sayı 150-yə çatıb

Rusiyada teraktda yaralananların durumu açıqlanıb

Ayılar üçün maraqlı əyləncə

Artritə səbəb olan 5 mühüm SƏHV

İdmançımız Almaniyada keçirilən turnirdə ikinci qızıl medalını qazanıb

Tarixçidən maraqlı faktlar

İtlər hətta simvolları da anlayırlar

Gündə 1 dəqiqə cəfəri çeynəyin

Şəfalı olduğu düşünülən bu bitkilər böyrəkləri çürüdür

Gimnastlarımız Dünya Kubokunda finala yüksəliblər

Dəri problemlərindən mərciməklə xilas olun

Bu iki ədviyyatı birgə istifadə edin

Ən sürətli qol