"Ehtiyyatda olsam da hər zaman vətən uğrunda əldə silah döyüşməyə hazıram"

16:17 16-04-2019 | 827 | Şəhidlər və şahidlər

Qazi Sərxan Məmmədov xidməti dövründə torpaqlarımıza təcavüz edən onlarla düşmən məhv edib.

Versus.Az yerli mediaya istinadən onun cəbhədə qrup komandiri ilə birlikdə düşməni necə zərərsizləşdirməsini təqdim edəir.

Əvvəlcə qısa arayış verək.

Sərxan Sənani oğlu Məmmədov 1991-ci ilin aprel ayının 4-də Bərdə rayonunun Otuzikilər kəndində anadan olmuşdur.

2009-cu ildə hərbi xidmətə yollanmış, hərbi xidmətini başa vurduqdan sonra sənədlərini Azərbaycan Silahlı Qüvvələri Təlim Tədris Mərkəzinin gizir hazırlığı kursuna vermiş, kursu bitirdikdən sonra gizir kimi Azərbaycan ordusunda hərbi xidmətinə davam etmişdir. 2011-ci ildə Xüsusi Təyinatlı Qüvvələrin kursunu uğurla bitirmişdir.

2016-cı ildəki Aprel döyüşlərində döyüş tapşırığını yerinə yetirən Azərbaycan Respublikası Müdafiə Naziri Zakir Həsənov tərəfindən Təşəkkürnamə ilə mükafatlandırılmışdır.
Azərbaycan Respublikası Prezidentinin adından Azərbaycan Respublikası Müdafiə nazirinin əmrilə "Azərbaycan Respublikası Silahlı Qüvvələrinin 95 illiyi (1918-2013)" yubiley medalı ilə təltif edilmişdir.
Azərbaycan Respublikası prezidenti İlham Əliyevin adından "İgidliyə görə" medalı ilə təltif edilmişdir.

Döyüş zamanı yaralanmışdır.

Qazimiz bunları danışır:

"Bir dəfə postları gəzirdik, gecələməli olduq. Silah yoldaşlarım yatmalı oldu, mən isə bu axşam yatamayacağımı bildirdim. Olduğumuz post düşmənə yaxın idi və aramızda dərə var idi. Uyğun mövqe seçib gözləməli oldum. "Gecə görmə" cihazlarındakı bütün daşları çıxarıb öz cihazım üçün gətirdim. Çünki daşların bir müddət sonra enerjisi bitir. Gecə 3-4 radələri olardı gördüm bir düşmən əsgəri neytral əraziyə düşdü və bizim mövqeyə doğru irəliləyir. Bir az da irəliləməyə fürsət verib (200 metr) vurdum. Qrup komandirimizi çağırdım gəldi və baxdı. Komandir gördü ki,vurulanı sürüyürlər. Həmin köməyə gələni də qrup komandiri vurdu.

Səhəri düşmən tərəfi bu itkiləri, qeyri - döyüş zamanı olan itgi kimi cəmiyyətlərinə təqdim edib yenə də yalanları ilə onları aldatdı".

Sərxan Məmmədov 2016 cı il aprel döyüşlərində Talış kənddə mövqelərinə silah aparan maşını silah yoldaşları ilə pusquya salaraq zərəsizlədirmiş və maşında olan raket artilleriya rəisini Hayk Toroyanı məhv etmişdir. Sərxan bildirir ki,ehtiyyatda olsa da hər zaman vətən uğrunda əldə silah döyüşməyə hazırdır.

Versus.Az