“Ürək-damar sistemi xəstəliklərinə qarşı mübarizə” - XEYRİYYƏ AKSİYASI
Ümummilli lider Heydər Əliyevin anadan olmasının 96-cı ildönümünə həsr olunan humanitar aksiya çərçivəsində Mərkəzi Gömrük Hospitalının peşəkar həkimlərindən ibarət tibbi heyət cənub bölgəsində 500-dən çox sakinə xidmət göstərəcək.
"Ürək-damar sistemi xəstəliklərinə qarşı mübarizə" devizi ilə ölkənin cənub bölgəsində - Astara rayonunuda humanitar aksiyaya start verilib.
Versus.Az-ın məlumatına görə, xeyriyyə tədbiri Dövlət Gömrük Komitəsinin Tibbi Xidmət İdarəsinin səyyar hospitalı və Mərkəzi Gömrük Hospitalının peşəkar həkimlərindən ibarət tibbi heyətinin iştirakı ilə keçirilir. Ümummilli lider Heydər Əliyevin anadan olmasının 96-cı ildönümünə həsr olunan üç günlük aksiya çərçivəsində Mərkəzi Gömrük Hospitalının ürək cərrahı, Milli Məclisin deputatı, tibb elmləri doktoru Rəşad Mahmudovun rəhbərliyi altında hospitalın təcrübəli kardioloqları- 16 nəfərlik heyət ümumilikdə 500-dən çox sakini müayinədən keçirəcək, həmçinin onlara digər zəruri tibbi xidmətlər göstərəcək. Aksiyanın ilk günündə müayinə və müalicəyə cəlb edilən sakinlər onlara göstərilən təmənnasız və yüksək səviyyəli tibbi xidmətdən məmnun qaldıqlarını bildiriblər.
Rəşad Mahmudov qeyd edib ki, bu cür xeyriyyə tədbirlərinin il ərzində Azərbaycanın daha 5-6 bölgəsində keçirilməsi nəzərdə tutulub.
GÖZƏL
Versus.Az
Xəbər lenti
Xankəndidə separatçılıq rəmzləri SÖKÜLÜR
Ədalət Verdiyev: "Bu mövzunu birdəfəlik bağlayaq”