Nazirlər Kabineti 11 filmi dövlət varidatı elan etdi - SİYAHI
Nazirlər Kabineti “Əsərlərin dövlət varidatı elan edilməsi Qaydaları”nın və “Əsərləri dövlət varidatı elan edilən müəlliflərin və dövlət varidatı elan edilən filmlərin Siyahısı”nın təsdiq edilməsi haqqında qərar qəbul edib.
Versus.Az xəbər verir ki, baş nazir Novruz Məmmədov tərəfindən imzalanan qərara əsasən “Əsərlərin dövlət varidatı elan edilməsi Qaydaları” təsdiq edilib.
Qərarla “Əsərləri dövlət varidatı elan edilən müəlliflərin və dövlət varidatı elan edilən filmlərin Siyahısı” təsdiqlənib. Dövlət varidatı elan edilmiş əsərlərdən istifadəyə görə müəllif qonorarı səviyyəsində xüsusi ödənişlər istifadəçilər tərəfindən “Müəlliflik hüququ və əlaqəli hüquqlar haqqında” Qanununun tətbiq edilməsi ilə bağlı məsələlər haqqında” Azərbaycan Respublikası Nazirlər Kabinetinin 1997-ci il 2 may tarixli qərarı ilə təsdiq edilən Əlavə 3 - “Ədəbiyyat və incəsənət əsərlərinin kütləvi ifasına görə müəllif qonorarının minimum miqdarı”nda göstərilən tarif dərəcələrinə uyğun hesablanaraq, Azərbaycan Respublikası Əqli Mülkiyyət Agentliyinin xəzinə hesabına köçürüləcək. Dövlət varidatı elan edilmiş əsərlərin nəşri (çapı) üçün tirajın ümumi məbləğinin 2 (iki) faizi həcmində ödəniş hesablanaraq, Azərbaycan Respublikası Əqli Mülkiyyət Agentliyinin xəzinə hesabına köçürülür.
Azərbaycan Respublikasının Əqli Mülkiyyət Agentliyinə dövlət varidatı elan edilən əsərlərdən istifadəyə görə xəzinə hesabına daxil olan vəsaitin dövlət büdcəsinə köçürülməsini təmin etmək tapşırılıb.
Nazirlər Kabinetinin qərarına əsasən, 11 film dövlət varidatı elan edilib.
AzEdu.az həmin siyahını təqdim edir.
1.Sevil ” (1929-cu il);
- “Lətif ”( 1930-cu il) ;
- “İsmət”(1934-cü il);
- “Mavi dənizin sahilində” 1935-ci il) ;
- “Almaz”(1936-cı il) ;
- “Bakılılar”(1938-ci il) ;
- “Kəndlilər ”(1939-cu il) ;
- “Səbuhi”(1941-ci il)
- “Bir ailə”(1943-cü il) ;
- “Arşın mal alan” (1945-ci il) ;
- “Görüş” (1955-ci il).
Versus.Az
Xəbər lenti
Deputatdan ipoteka ilə bağlı TƏKLİF
"İpoteka kreditləri üzrə şərtlər yüngülləşdirilsin"